الكاتب شادى الشرقاوى في حوار صريح مع جريدة المساء العربي
أجرت الحوار وكتبتة/ مروة جمال
كعادة المساء العربي أن تلتقي مع النجوم الشابة المبدعه فسوف نلتقي اليوم في حوار ممتع مع شخصيه ناجحه متالقه مميزه يبحث يبحث عن كل ماهو جديد وطموح فهو يحب التقدم والتميز
سيرته الذاتية
الاسم/ شادي الشرقاوي ..
– مدرب ومحاضر دولي في التنمية البشرية والمهارات الشخصية .
– مؤلف لعديد من المواد العلمية كالتحكم في الذات وإدارة الغضب وتربية الأبناء وقوانين العقل الباطن ولغة الجسد وإستراتيچية الرجل والمرأة وإدارة الوقت وقوة التغيير وإدارة الضغوط النفسية والتوتر والمقابلات الشخصية وإعداد السي ڤي .
– لسانس أداب علم نفس .. أخصائي وإستشاري نفسي وأسري وعلاقات زوجية وتطوير الذات .
– وكاتب روائي .. لروايتين .. المشهد الأخير .. والجانب المُظلم من القمر .
– معالج وممارس بالتنويم بالإيحاء والبرمجة اللغوية العصبية والدراما النفسية .
– حاصل على الماچستير في إدارة الأعمال البريطانية المصغرة .
وحاليا في كلية دار علوم قسم لغة عربية وآدابها ودراسات إسلامية .
س ما الذى دفعك للكتابة والتاليف؟
اللي دفعني لمجال التأليف والكتابة هو أولا فضل من ربنا سبحانه وتعالى انه من عليا بالميزة ديه لانها مكنتش في أحلامي منذ البداية .. وثانيا والدتي كانت ليها الفضل بإنها بجانب تحفيزي المستمر وتشجيعي إلا انها كمان كانت بتعرفني على كل حاجة من خلال القصص الدينية والمبادئ والأخلاقيات اللي ربتني عليها انا واختي .. والفضل التالت لأختي اللي كانت سبب رئيسي في إلهامي وتأليفي للرواية ..
س هل تفضل الكتابة عن موضوعات معينة .. أم تعتبر نفسك متنوعاً في إهتماماتك ؟
طبعا أحب التنوع .. وده لان الرواية الأولي تختلف تماما عن التانية .. فالتنوع هو سر الإنطلاق.
س ما هي الصفات اللي يتحلى بيها الكاتب والمؤلف الناجح برأيك؟
انه يكون نفسه .. يعيش بفطرته اللي ربنا سبحانه وتعالى خلقها بيه .. انه يصدق نفسه ويعرف قيمتها الحقيقية ويديها المساحة والتخيل والإبداع بدون تقييد .. بشرط انه ميغضبش الله ولا يؤذي الناس .. غير كده فهو حر حتى وإن كانت كل الناس واقفة ضده .. وانه يستمتع بكل مشهد وفصل وكل كلمة بيكتبها .. والا ميكتبهاش ..
س كيف تتعامل مع الضغوط المستمرة في العمل كمؤلف او ككاتب ؟ وكيف تحافظ على صحتك النفسية ؟
مواجهة الضغوط ضغط في حد ذاته .. ديما برجع ارتب افكاري عشان ابدأ من جديد وأحسن من الأول ..
أما عن كيفية المحافظة على الصحة النفسية فبالتسليم لله وأمره .. وإن يكون عندي يقين ان السعي ده بتاعي .. انما النتيجة ديه مش بتاعتي .. بالتالي بلاقي نفسي منطلق في السعي مع العلم واليقين بالله ان النتيجة ديه بتاعة ربنا فبرتاح نفسيا ..
س. ما هي نصيحتك للشباب الراغبين في دخول مجال التأليف والكتابة ؟
خلى ديما كتابتك تكون الحاجة اللي بيتمنى يقراها أي قارئ .. خليك الفكرة اللي من خلالها ينطلق القراء من خلالها يصلح بيها كل واحد من نفسه ومن اللي حواليه .. تكون الرسالة اللي يقتدي بيها الناس .. وانه يحول الأحلام المستحيلة في عقول الناس لواقع ملموس .. وتكون صدقة جارية تفيد بيها الناس من بعدك ..
س. ما هي طموحاتك المستقبلية في مجال التأليف والكتابة ؟
اولا انا بعمل الجزء التاني لرواية المشهد الأخير وإن شاء الله تكون ليها رونقها وجمالها الخاص .. إلي جانب كتير من أفكار لروايات مشوقة وحلوة جدا وبإذن الله تكون من احسن الروايات في العالم .
إلي جانب اني حابب اكتب في المجال النفسي والتحليل والكتب العلمية .. اللي تفيد بيها الناس .. وإزاي يواجهوا صعوبات وتحديات الحياة
فى نهاية الحوار نشكر سيادتكم على اتاحة الفرصة لنا للتعرف عليكم واخذ وقت من حضرتك لكى نستغيد من تجربتكم شكرا جزيلا
الكاتب شادى الشرقاوى في حوار صريح مع جريدة المساء العربي
