علموا أولادكم

 بلا شك اننا جميعا خائفين وقلقين على أولادنا في ظل الجرائم التي نشاهدها هذه الفتره ، فلابد ان نعلمهم دينهم ..

لأننا مقبلين على مرحلة صعبه جدا واري أن الدين والتربيه والتوعية هي سلاح أبنائنا في زل هذه الفتن التي تظهر كل يوم ، وكل فتنة اكبر من الاخري ..

احنا عدينا مرحلة الجهل بالدين.. وعدينا مرحلة الإ.لحاد في السر، والمعـ.ـصية في السر.. وكمان عدينا مرحلة الجهر بده..

احنا وصلنا لمرحلة البجاحه وقلة الأدب والفشخره بارتكاب المعـ.ـصية مش بس المجاهرة بيها _ لا _ الملـ.ـحد والعا.صي والجاهل بقى بجح وجرئ..

خلوا بالكم من ولادكم وأحموهم بالدين وحصنوهم بالقرآن؛ فالقرآن حافظ في زمن هذه الفتن .. حببوا اولادكم في الدين وخلوهم يبقى عندهم عزة وفخر بكونهم من أهل القرآن والصلاح..

درس القرآن مثله مثل النادي والدروس اللي انت واخد بالك منهم كويس، المسجد زي المدرسة والجامعة، قعدتك مع ولادك واهل بيتك لتعليمهم ابسط الأشياء في العبادات والمعاملات اهم ما يكون..

ولو مش عارف تعمل ده بنفسك هات لاولادك معلم ومحفظ في البيت… ولو تسمع نصيحتي: علم أولادك في الأزهر.. ودلوقتي أصبح فيه مدارس ازهر لغات وحاجة، وكمان فيه اماكن تحفيظ للقرآن تابعه للأزهر الشريف..

ربوا ولادكم على أخلاق الإسلام، وحب الخير للغير، وعلموهم يحبوا بعض ويخافوا على بعض، ازرعوا في قلوبهم الرحمه والتسامح وحب الوطن.. والإنسانية اللي بقينا مفتقدينها في كل شىء للأسف..

الموضوع والله صعب جداً، ومر.عب، ابنك مشروع تخرجك في هذه الحياة فحافظ عليه، وهيئه على أكمل واحسن وجه ممكن… ابنك يعني سيرتك بعد موتك، يعني ذريتك ونسلك من بعدك، اللي هتزرعه فيه هيزرعه هو في أولاده من بعده..

علموا أولادكم