شهداء لقمة العيش
للي ماتوا
وسابوا فينا حته منهم
لسه عايشه
شروق.وجنى.وتقى وهدير
اللي ماتوا
وكانوا بيسعوا قوام للخير
وبيشتغلوا بعرقهم علشان ما يحتاجوش للغير
اللى ماتوا
ولسه ليهم باقي عايش للنهارده
اللي سبقونا ف طريقهم
وكل حته فيها رحيتهم
سابوا احبابهم وبيتهم
بعتوا لينا رساله باينه
إن الدنيا زوال وفانيه
وكل شي بيروح فى ثانيه
شيماء.وملك .ورويدا واسراء
عرايس كانوا محضرين فساتين زفافهم
قالوا يابا احنا معاك في ضهرك
هنشتغل علشان نوفر شرب وغذاء
هنشتغل علشان نلاقى حق الدواء
هنشتغل علشان نجهز الكساء
لكن عمرهم راح فى ثانيه
دنيا زوال وفانيه
ضحى .وسمر وسارة
وهنا ومروة وميادة
قالوا يابا شغلنا من العبادة
هنقوم معاك وعلى ظروف الحياة نساعد
أنت يابا شقيت وتعبت كتير زيادة
لكن القدر كان على الميعاد
خرجوا بدرى على العمل
وكان جواهم طموح وامل
لكن عمرهم راح فى ثانيه
علشان دنيا ملهاش امان دنيا فانيه
مروة وايه وشيماء واسماء وادهم وشيماء
نحتسبهم كلهم من الشهداء
كلهم راحوا ضحية سواق غشيم
غايب عن واعيه وعقله تاه
مفيش غير الا أن نقول انا لله
وعليك هنحتسب ليل نهار حسبنا الله
ضعيت شباب وكل شىء راح فى ثانيه
بنات كانت مع ابائهم في حلوك
قبل مرك هما فين
واللي كانوا شايلين في الفقر همك
بص جنبك راحوا فين
أحنا فين وهما فين
سلمونا الدنيا هما
واحنا هنسلم لمين
واللي جاي من بعد منا
لما نمشي هايبقي مين
يبقوا مهما يكونوا هما
الحياه مش نعمه دى كدبه
وكلنا ليه مصدقين
عيش ومهما العمر يطول
ايه هتاخد منها اكتر
اللي مكتوبلك تشوفه
وقت وايام معدودين
النهايه جايه جايه
والحقيقه هي ديا
يابنات الناس عليكم مترحمين
كل الدنيا علشانكم زعلانين
ولكل اب راح اقوله
على الحياه الله يعينكم
بس حاولوا تخلوا بالكم
وترضوا بقضاء ربنا ونصيبكم
وترحموا على بناتكم
علشان تخرجوا من الدنيا مش خسرانين
دول شهداء وعرايس الجنة
مع النبى محمد إن شاء الله محشورين
الشهداء
شهداء لقمة العيش
