جريدة المساء العربي جريدة المساء العربي
آدم وحوا
بقلم-أشرف رسلان
اتبدلت .. جوايا الحقايق
عمري كله ما كنت فايق
كنت تايه وسط الخلايق
الرضا .. مش عايزه منك
والكلام ….. ممنوع لأنك
غلطتك مش غصب عنك
قالوا عني .. وقالوا عنك
بني آدم ……. بنت حوا
يسعى آدم
تقسى حوا
حوا جووه ف قلب آدم
هو مارد …. وسط نوه
وقت ضعفك ليكي قوه
اوعي تنسي يابنت حوا
إن آدم ليه معامله
واحترامه مش مجامله
عِشّرتُه … كوني رقيقه
بالأنوثه … كوني كامله
سره انتِ …. لو تفهميه
ودمع عينه … امسحيه
إن كنت ناويه تزوديه
تبقي غاويه تطفشيه
خلي عطرك ليه يبان
مسك عنبر أو ريحان
مش نبرفن للجيران
أصله مدخل للشيطان
وسط غضبه اتجنبيه
و بالمناهده ما تتعبيه
ربي عالم ب إللي فيه
وأما يهدا إبقي اسأليه
مش كل حاجه … تأنبيه
كل واحد منكم … مرايه
تكشف للتاني …. حكايه
أي حد تاني غيركم
راح يجامل
لجل مصلحته … وكفايه
لو فهمتي كل إللي قولته
الرضا هشتاق له منك
دا لأنك …
غلطتك كت غصب عنك
آدم وحوا
520 إجمالي المشاهدات
