نصحية هامة لكل بيت مصري أستقبل شهادة الثانوية اليوم
كتب/ عطية عبد الرحمن عاصى
رجاء من كل اب او ام اخ او اخت
حذاري أن يحزن إبنك أو إبنتك اليوم أو تكون سبب في بكاءهم أو تعكيرهم،
دي ليلة سعدهم وفرحتهم الكبيرة ، أول ريأكشن هيظهر على وشك وتصرفك هيتحفر في عقله وقلبه العمر كله والله .، خد ابنك او بنتك في حضنك وقوله إنك بتحبه وفخور بيه بعيدا عن أي نتيجة ممكن تدغدغ ثقته في أمانه تجاهك ، قوله إنك بتحبه تحت أي ظرف
ما تخسروش ولادكم عشان نتيجة لا هتقدم إنجاز ولا هتحقق إعجاز ولا هتكون سبب في فتح الغزوات نتيجته دي رزق زي كل رزق في حياتنا
إياك تعكر صفو ابن او بنتك عشان نصيبه في الدنيا مكتوب قبل ما سعادتك تشرف انت ومامتة
النهاردة دورك كأب ودورك كأم في احتواء ولادك دي من أهم لحظات حياته والله ، حبوا أولادكم بكل ما استطعتم من قوة
تاكد او تاكدى ان ربنا بيكون اختيارة احسن واعظم وممكن يكون ربنا اختار لة او لها مشوار احسن وافضل من اللى كنت بتحلم بية وتخطط لة تعالوا ناخد بالاسباب وانشاء الله القادم افضل لاولادنا
نصحية هامة لكل بيت مصري أستقبل شهادة الثانوية اليوم
