إلى معالى رئيس الجمهورية
الرئيس عبد الفتاح السيسي
الفين سلام على حبيب الوطن
الفين سلام على اللى شايل روحه على كفه
علشان يعبر كل المحن
وسلام كمان على الناس
اللي فاهمه
بإن البهجه في الكلمة
و إن الخير ما هوش زايل
سلام على من وهب نفسه
وشال حمل الوطن بالكامل
سلام لأبن الأصول اللى بيصون عرشه
ووقت العوزه مش مايل
سلام على راجل بميت راجل
بيسعى للحفاظ على بلده
و مش فاضى ولا ثانيه
علشان ولدك وكمان ولده
وماشى على طول للأمام
ماشى فى طريق الأمل
وعن طريق الحق
عمره ما هايتنازل
سلام للى فى عز الشدة
مانسيش ياناس وطنه
وبيرد على أى دولة بتندهله
سلام لصاحب الفكر والعزة
سلام على الإنسان
سلام على قائد بيفكر لكل زمان
سلام على اللى قال لأ وألف لأ لتهجير اهالينا في غزة
والناس كلها عنده فى ميزان واحد
وهو ومابينهم راجل عادل
سلام من قلبي لعيونك
سلام يامن بجماله يتخايل
أنا شايفك فى العلالى فوق
وكل قراراتك موزونة كمان بميزان
وبتنفذها بقدرة ربنا الحنان
سلام عليك يا شجاع وعمرك ماكنت جبان
سلام على من حارب الإرهاب والخونة في كل مكان
أكيد اللي بيكرهك دول للخيانة عنوان
سلام اللى مابين الناس رجل غالى
متواضع مابينهم ومش متعالى
سلام يلى بتحب السلام
سلام إلى بتعرف معنى الكلام
سلام والفين سلام
على رئيس الجمهورية الهمام
رئيسك ورئيسى الرئيس عبدالفتاح السيسي
إلى معالى رئيس الجمهورية
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
