مجدي صبحى يكتب
(حكايات ميجو في رباعيات)
صورتك
صورتك واضحة للي عاوز يشوفك..
وصوتك واضح للي عاوز يسمعك..
جميل وواضح في عين حبيبك..
أما المصلحجى يهمه اللي في جيبك..
حبيبك هو اللي يستر عيبك..
لحظة وقوعك يمسك بأيدك..
ويشدك ويسندك لحد ما يوقفك..
ويكون سندك وعونك في محنتك..
خل وفى أحسن من الف منافق..
معاك في عزك وف شدتك مفارق..
يسيب طريقك وتاخده المفارق..
يهجرك لأنك مابقتش فارق..
كلم اللي يهمه يسمعك..
وفي عز الزحمة يميزك.
لو في سوق هايناديك..
صوتك اللي يهديه إليك..
أوعاك تبرر لحد تصرفاتك..
صورتك هى هى طول حياتك..
تزينها خطوط الزمن علي جبينك..
وتزيد جمال في عيون محبينك..
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
