خروف طفشان
هرب الخروف مع مين
كان شايف السكاكين
و الجزارين ،قافلين
و مافيش ولا دبيحة
شاف السنون ألوان
كاز لك و سيف تلمان
فكر يكون طفشان
كان فكرته صريحة
وقت الصور فكوه
و عيال كتير ركبوه
في المأمأة ، حبوه
لكن اترمي طريحة
جابوله مية يفوق
غمض عنيه مدلوق
و اتمشي خفة و ذوق
لحد باب الدار
بصوله بإستغراب
لما لقوه ع الباب
قالوا عياه كداب
و جريها بالمشوار
دخل ما بين زحمة
قال الحياه رحمة
ولا شافوا ،فيه لحمة
و بكوه سكوت و أنين
هرب الخروف مع مين
خروف طفشان
شعر / ياسر عبد الحميد
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
