سكه طويله
بقلم محمود الشرقاوى
سكه طويله
تجرى وتهرى وتنكت وانت قليل الحيله ….
تعدى بحور وتنشأ جسور ……
وتخطى جبال وحدود وتلال……
ماهى خطتك مستحيله……
تبنى ماتنبى عمار فى عفار……
وتشد انامل تحرق فخار …..
وتعيد من الاول والخطه ضئيله
ماهى كانت زمان قبل الحرمان …
زى ماقولنا سنين عرفان …..
عرفان بالجميل اللى بقى مستحيل….
تهرى وتنكت وهى اصيله ……
عليها غبار عليها عفار بس جميله من الاصل اصيله…..
تاريخ وحدود فى وثاق معهود ….
ولانت ولا انا بإيدينا حيله ….
بس تشد وهى تشد ……
ماانت سايبها وعامل سيدها ……
وهى اميرة بنت اصيله ايديها على الخد
صابرة وراضيه وساكته مقلتش لحد …..
تشوفها هتحزن وعلى ايه هتمد…..
ماهى فانيه وعمرها ثانيه
ولابتبقى من جد لجد….
عيشها شويه وخد حنيه
واعمل معروف للاخره يرد …..
يرديجيلك وتشوف فيه خيرك
فى الدنيا يسد …..
وينجى الموالى فى كل الدوله
لخير ماتعد……
دوله نفسك انت اميرها …….
اوعى تفكر انك غيرها …….
هى اميره وصونها بجد ….
الكل شايفها وانت عارفها
بتند الند……..
احفظها كريمه عشيتها نعيمه …..
وعيش بقى فيها
عيش بقى ليه من غير ماتحد……
سكه طويله
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
