قراءة فنيه لمباراه الأهلى والترجى فى نهائي افريقيا
ايمن خليفة
قوة الاهلي الهجومية متمثله في الجبهه الشمال للاهلي في الثنائي علي معلول وحسين الشحات والجميع يعرف ده كويس
اذا اكيد اول حاجه بيشتغل عليها مدرب الترجي حاليا
ازاي يقفل علي مفتاح لعبك الاول ويمكن الوحيد بما ان عندنا الجبهه اليمين لا عرضيات ولا اسيستات ازاي يحد من خطورتها ويمنع وجود اي مساحات.
ازاي يستغل الجبهه دي في الحاله ان يحجم من خطورة الاهلي وان يشتغل عليها هجوميا بشكل قوي ويستغل كل مره هيحاول فيها معلول والشحات يلعبوا بشكل هجومي
والسؤال هنا ماذا لو نجح مدرب الترجي في قفل مفتاح لعبك الوحيد من علي الاطراف اي الحل عندك داخل الملعب
الترجي مش هو ترجي الموسم الماضي اللي بيلعب بشكل عشوائي عنده مدرب واكيد زي ما احنا والكل شايف قوة الاهلي في معلول والشحات ومعاهم امام
اكيد مدرب بيدرب نادي بحجم الترجي بيذاكر كويس اوي
واكيد المدرب اللي نظم دفاعه قدام صاندونز نوعا ما
قادر يعمل ده قدامك
اذا انت محتاج حل بديل داخل الملعب
لو بصيت بقا انت علي قوة فريق الترجي ل
الهجوميه هتلاقيها برضوا متمثله في الباك الشمال امين بن حميده
وعليك انك توقف خطورتها هجوميا
وده مش هيحصل بمحمد هاني في الحاله الدفاعية ومعاه بيرسي تاو
ومش هيحصل بالحاله الهجوميه لو حبيت تستغل تقدمه برضوا بمحمد هاني وبيرسي تاو
بيرسي تاو ومحمد هاني جبهتهم لا بتنصع اهداف ولا بتسجل اهداف ولا بتعمل عرضيات صحيحه ولا فيه اي تقدم وكمان دفاعيا رغم كبر سن معلول الا انه جبهته دفاعيا بتكون اقوي من هاني وبيرسي تاو
اذا انت محتاج تخلق حل ليك داخل الملعب وبدل ما يكون عندك جبهه واحده ومفتاح لعب واحد ناحية الشحات مع معلول وامام
تعمل توزان هجومي ودفاعي في الجبهه اليمين
قد يكون الحل تفاجئ فريق الترجي ومدربه ان الشحات جناح يمين ورضاء سليم جناح شمال او عبد القادر
حسين الشحات زي ماقولت قبل كدا بيبدع في الجناح اليمين
علي الاقل هيكون فيه فرصه ان الشحات يعمل عرضيه صحيحه من الناحيه اليمين ويحي جبهه ميته عندنا حرفيا
هيكون فيه فرصه ان ممكن نعمل عرضيات و نعمل اسيست في العمق او يراوغ ويسجل وكل ده الشحات يعرف يعمله هجوميا
و في الحاله الدفاعية هيقدر يسند معاه هاني ويغطي وراه كونه كان بيلعب باك يمين
النهائيات لازم يكون فيها شئ عكس المتوقع للمدرب وتفكيره ولتجهيزه للمباراه واكيد مدرب الترجي مركز بشكل قوي ان تاو اساسي جناح يمين او من بعده رضا سليم
او يبقى الوضع كما هو عليه ويدفع بديانج عشان التغطيه على الجبهه اليمنى لان كوكا رغم جودته خبراته لسه قليله وكمان اعتقد وجود متولى جنب عبد المنعم هيفرق فى نقل الكوره للأمام بشكل مميز لانه لاعب مميز بالخروج بالكره للامام
اتمني كولر يكون قدر يقرا تفكير مدرب الترجي واكيد اول تفكير عنده ازاي يقفل علي مفاتيح لعب الاهلى اللي هي متمثله في الجبهه اليسري عند حسين الشحات ومعلول ومعاهم إمام
قراءة فنيه لمباراه الأهلى والترجى فى نهائي افريقيا
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
