مصر الحضارة
مصر الجديدة جوه عنينا
لقينا فى بلدنا مدفونة حجارة
منحوت عليها تاريخنا وحكاوينا
هنا فيه جنة على أرضينا
بكره العالم كله يجينا
ويشوف صحراء وزروع وعمارة
اسوان والاقصر شوفوا جمالها
آثار وانهار وتشرب من نيلها
وام بتسعى تربى عيالها
مصر بلدنا ومفيش غيرها
أم الدنيا وأد الدنيا وجوه عنينا
مسلم ومسيحى عايشين فيها
بيشربوا من نيلها
وياكلوا من خير أرضيها
إيد واحدة،وروح واحدة
والوحدة عارفين معانيها
نبنى،نزرع،نعلى،
كل ده بصنع إيدينا
مصر العالم عنها مايستغناش
اصالة،عراقة وتاريخ،منقوش
آثار وحضارة،ولسه مشفتوش
مصر بلدى يا إما بلاش
تعالوا وشوفوا طريق الكباش
طريق أجدادنا بصنع إيدينا
و النهاردة بتسهر ليل ونهار
علشان هتفتح متحف آثار
وجالها من كل العالم زعماء رؤساء قيمة وكبار
كل العالم بيبص علينا
مصر هى الدنيا وام الدنيا
وهنشيلها جوه عنينا
مصر الحضارة
اكتشاف المزيد من جريدة المساء العربي
اشترك للحصول على أحدث التدوينات المرسلة إلى بريدك الإلكتروني.
