وحشتني نفسي
بقلم الشاعرة :سحر طه سعيد
وحشتني نفسي بتاعت زمان
اتعشي بادري والمغرب انام
اقوم اتوضئ قبل ميأذن الأذان
وأفهم امي قبل ماتقول اي كلام
نفسي ارسم حياتي بالألوان
الأخضر بيخليني اعرف أنام
والابيض بحس فيه بالسكون
والاسود يشبه حزني والغيوم
وحشتني ضحكتي والبرئه ف لعيون
نفسي انسي الأحزان والهموم
أصبحت عايشه كالسجون
أصحي في الميعاد كل يوم
اغسل وشي من كل الأحزان
واتوكل علي الحي القيوم
اروح شغلي وانا كلي شجون
بكرة يكون احلي من اي يوم
نفسي اعيش في استقرار وامان
وارسم بفكري واسرح بالأحلام
وأفرح بأولادي وكلي حنين
وحشتني نفسي بتاعت زمان
وحشتني نفسي
