جريدة المساء العربي جريدة المساء العربي
بقلم . السيد عفيفي جمال الدين
(بالصراحة نواجه نفسنا )
ونسمع المغنى الحزين
ونلاقيه بيشدنا
ونرتجف من الخوف ويهزنا
يبقى لازم نغسل قلبنا
ونواجه بالصراحة نفسنا
وننزع الحقد وننسى غلنا
ونزود فى القلوب لبعض حبنا
اللى اتنزع من كام سنه
وزاد الكره لبعضنا
مين انت ومين أنا
أنا اخوك إبن أمك وابوك
وكانت طبليه واحدة فى يوم بتلمنا
أنا جارك القريب والبعيد
أنا الوحيد
اللي كنت معاك في الليل
ونصحى على ضوء شمسنا
أنا أهلك وناسك
أنا عمك وخالك
وابن بلدك
كنا مع بعض فى صحبة تضمنا
لكن إيه جرى
العيب في مين
فى الزمان أو المكان
ولا ضعف الإيمان
ياريت نواجه بالصراحة نفسنا
ويزيد الحب والرحمة فى قلبنا
ونعرف إن فى يوم هنقابل ربنا
لازم بالصراحة نواجه نفسنا
.(بالصراحة نواجه نفسنا )
1,081 إجمالي المشاهدات
