مشروع النقل السككي المُعلق بالعاصمة القاهرة
في أقل من سنة هيتم افتتاح مشروع النقل السككي المُعلق بالعاصمة القاهرة
في أقل من سنة هيقدر سكان القاهرة يوصلوا للسادس من اكتوبر و التجمع الخامس من غير معاناة ، بدون الحاجة لاستخدام الطريق الدائري او محور ٢٦ يوليو و من غير الوقفة بالطوابير في مواقف السرفيس ..
أقل من سنة و تنتهي معاناة ٦٠٠ الف موظف و عامل و طالب بيتردد على مدن شرق و غرب القاهرة يوميًا ، من أقرب محطة مترو في القاهرة يقدر يوصل بشكل مباشر و بمواصلة واحدة الى أكتوبر الجديدة ، الجامعة الأهرام الكندية ، المنطقة الصناعية بالسادس من أكتوبر ، الحصري ، جامعة ٦ أكتوبر ، مول مصر ، جامعة مصر ، مول العرب ، جامعة النيل ، هايبر وان ، مستشفى ٥٠٠٥٠٠ ، جامعة القاهرة فرع الشيخ زايد ، مدينة الشيخ زايد ، المنصورية ، المريوطية ، بشتيل ، محطة قطارات صعيد مصر ، حي المهندسين ، الحي السابع بمدينة نصر ، استاد الدفاع الجوي ، التجمع الخامس ، شارع التسعين ، العاصمة الادارية ، الحي الحكومي ، مسجد مصر الكبير
مسار بطول ١٠٠ كم هيربط كل المنشآت التعليمية و الصناعية و التجارية و السكنية المترامية على أطراف القاهرة ببعض ، مواصلة واحدة سريعة حديثة مكيفة صديقة للبيئة
مونوريل القاهرة واحد من ضمن الحلول السحرية لمشكلة الاختناق المروري بعاصمة ال ٢٥ مليون نسمة و اللي هيساعد مع شبكة الطرق الجديدة بالمدينة و التوسع في خطوط مترو الانفاق اننا نوصل لحلم القاهرة الخضراء بدون زحام مروري بدون اشارات مرور حمراء متوقفة بالساعات
2,649 إجمالي المشاهدات