جريدة المساء العربي جريدة المساء العربي
المسحراتي ح (١٩)
أصل المسحراتي
بقلم-أشرف رسلان
مسحراااتي …. منقراااتي
وِ جَي ليلااااتي
أندَه و آهااااتي
عَادَه وِوَارثها
مِنْ جِد جِدي
مِنْ صُغر سِني
دَااااير بَاغني
والإيد بِتضرَب وِالصُّوت يِلالي
في ليله هااااديه
شوارعها فاااضيه
في ليله وِلعه
م الحر طاااالعه
اصحى يانااايم .. يانااايم اصحى
سَألت أبوياااا
عن سِر لَفي
قال لي ياااولدي
المِهنه ديه ف الأصل عاده
كماا السِّبوع بعد الوِلااااده
بِدايتها كَانت بصوت آذان
من صوت بلال لما يبااان
وف مصر كان عُتّبَه كمان
رغم إنُّه وَالي
مِن غير تَعالي
طاف المدينه
بصوت يلااالي
اصحى يانااايم .. يانااايم اصحى
رمضااان كريم
المسحراتي ح (١٩)
أصل المسحراتي
623 إجمالي المشاهدات
