الشحات : زعلت من نفسي بسبب مشكلتي مع الشيبي ، وأنا متقبل العقوبة
كتب مصطفى سلام
علّق لاعب الفريق الأول لكرة القدم بالنادي الأهلي حسين الشحات على أزمته مع اللاعب محمد الشيبي، لاعب بيراميدز، قائلاً :” بتمني ربنا يسامحني على اللي عملته في موقف محمد الشيبي، اللي عاوز أوصله للناس إن أنا مبشتمش، مش علشان موقوف كل شوية تقولو لي أنت بتشتم، أنا زعلان من نفسي بسبب الموقف وتوبت ودي حاجة بيني وبين ربنا أتمني يسامحني عليها”.
وأضاف عبر تصريحات تليفزيونية مع الإعلامي إبراهيم فايق، عبر فضائية، إم بي سي مصر 2:” أنا فتحت بيتي لـ الشيبي ورضا سليم عارف الكلام دا وفي لاعيبة كبيرة وشخصيات كتيرة تدخلت لحل المشكلة ولكن هو مصمم على رأيه وهو حر، والموضوع دا مش بيشغلني ولا بيأثر عليا”.
وتابع:” قعدت أسبوع أو 10 أيام مبنمش بسبب اللي عملته مع الشيبي، وأعتذرت مرة واتنين وتلاتة له ولأهله وبعتذر له تاني دلوقتي ، وحزنت من نفسي وتقبلت الغرامة الكبيرة وتدخله الأخير مؤذي.
الشحات : زعلت من نفسي بسبب مشكلتي مع الشيبي ، وأنا متقبل العقوبة
