زمان غير دلوقتي 

 زمان غير دلوقتى

——————-

بص بصي هنفضفض سوا

أسمعوووووا وركزوا 

١ـ الاخت اللي من دمك هي الاخت اللي مهما اختلفت معها هتجري عليك وتحضنك مفيش بديل لها لا زوجة اخ ولا صديقه..متعش الوهم…علي فكره انا مليش اخوات بنات بس من خلال سماعي لحكايات ناس كتير عرفت واحساسيةبفقد كلمة اختي حسيت اكتر..

٢-البنت اللي تربيتها مهما تعبت في تربيتها صدقني مش هتفضلك عن والدتها وفي مثل صح

(يا مربي في غير ولدك يا باني في غير ارضك)

ده مثل صحيح جدا فمتتعبش نفسك في تربية ناس مش اولادك ولابناتك الا لمن يستحقون..ايتام مثلا…فقراء وقتها انت ملزم كجانب انساني وروحاني

وعلي فكره معنديش بنوته بس واحده حكت لي انها ربت بنت غيرها والبنت طلعت قليلة اصل جدا.وفي حضن أهلها ولم ترد حق من ربتها عليها لونسيت بعد ما المصالح انتهت .ماعلينا.

٣ـ احترس من انك تمضي علي ضياع حقك في ابوك أو امك وتقول انك واثق في اخواتك…..لا خليك حريص مهما كنت لديك عطاء لهم ولهن والشيطان يعمي قلوبهم قبل أعينهم وهيستحلوا حقك ويحللوه بقلوبهم الشيطانيه وهينسوا أن في آخره وحساب وحقوق هتترد يوم القيامه وممكن تترد في الدنيا وتشوف بعينك 

وقصص كتير سردت لي 

وفي واحده حكت لي قصة اخوه بنين من دمها ومن نفس الام والاب زمان لما بتسمع أن الإخوان مش من نفس الام والاب كنا بنقول طمع لكن اللي حكت لنا قصتها 

لها اخوه بنين اشقاء وكانت بتغمرهم حنان وعطاء 

لكنهم للاسف تكاتفوا لسلب حق اختهم الوحيده. ميعرفوش أن في آخره وان الدنيا فانيه ومفيش سعادة هيشوفوها بحق غير شرعي مسلوب .

٤ـ خد بالك من امك و ابوك عشان الاعمار بأيد ربنا لو حد فيهم مات متندمش وتقول الحمد لله مات راضي عني

ابوك هو السند خاصة للبنت هو العجاز اللي بتسند عليه وقت ضعفك بعد لجوئك للخالق بوس أيده كل يوم واكسب دعوته

وامك مهما كان طبعها حنونه…قاسيه….عاملها بما يرضي الله

اوع تعامل والديك بنفس معاملتهم لو آسين لا خليك رحيم بهم عشان اولادك يكونوا رحمين بك عند كبرك بوس ايد امك واكسب دعوتها هتنفعك في كل امور حياتك في صحتك..رزقك….علمك

القرأن كرر الام ثلاث مرات. فكن لها شمعه منيره للحياه تكن لك وطن حامي وحضن دافئ

٥-الجيران. صباح الخير يا جاري انت في حالك وانا في حالي ايوه ده مثل حقيقي هقوله لكم الحلقه الجايه في برنامجي امثال شعبية …..صبح ومسي عليه…جامله في المناسبات

ااقف جنبه في الازمات بس بلاش اختلاط ذيادة عن اللزوم

عشان كتر اختلاطك هيكتر عليك الهموم……يدخل بيتك لو حقود ..غيور هيخربه

وفي قصه بيت سعيد انفصلوا بسبب عمق علاقة الزوجه بجيرانها واصحابها.

٦-الاصحاب….متقوليش دي احسن من اختي لا لانها صحبتك مش اختك لكن اختك سهل تكون صحبتك لو حنينه متطلعيش كل أسرارك لصحبتك هتتعبي وفي قلبه واحده هتنشر سرك وتقلب ذي الطوفان وهتغدر بكي وفي تجارب كتير جدا حصلت ادامنا وسمعنا غدر الصحاب…خليكي حريصه مع اصحابك وخليك حريص.

٧- اولادك بنين…أو بنات

العصر اتغير ولاد زمان غير ولاد دلوقت الا القليل

ولاد زمان يهيبوا الوالدين…حاضر نعم حافظين

التليفزيون كان بيتقفل من الدوله ويقول وش الساعه ١٢

مساء والكل ينام والأمراض قليله والنظر تمام

والصحه تمام وعندهم نشاط مفرط ومتفوقين دراسيا

أما ولاد دلوقت هم ولاد السوشيال ميديا والعصر التكنولوجي والثورة الاتصالية أنا يسميهم(الجيل الرقمي). جيل متمرد..بيحب السرعه..متهور….بيرد علي الوالدين ومش بيخاف منهم جيل يؤمن بالثقافة الغربية ويقلدها ويؤمن بالاستقلالية عن الوالدين…يتسم بالعند يعني جيل متعب جدا الا القليل منهم

٨- المدرسة والجامعة…زمان كان الطلاب بيحترموا المدرسين والدكاتره والسلطه كانت في ايد الاباء والمعلمين

لكن دلوقت السلطة في ايد الطلاب والطالبات تمرد وعند مع معلمينهم….مفيش حضور عادي..بيروح باي زي وبيدخل بالموبايل..يااااااه تغيير فظيع زمان كان مرتبط بجرس المدرسه.زي المدرسه الرسمي..البت لو لابسه توكه أو حلق ممنوع الواد يحلق شعره ويقص ضوافره

دلوقتي بناطيل مقطعه .شعر علي كافة الاشكال.البنات ماكياج عادي…اكسسوارات ماشي…موبيلات ضروري 

شئ مؤسف جدا.

٩- الحياه الزوجيه…راحت عليها لما قالوا المراه ذي الراجل الدنيا اتقلبت

زمان….امينه مرات سي السيد حاضر.نعم ياسي السيد..تخرج بإذنه في احترام حالات الطلاق نادره

دلوقت الست ترد علي جوزها وتقوله ذي ذيك وبشتغل واصرف علي البيت ذيك ومشاجرات أمام الاولاد واهانات وراجل يهين ويضرب واخر صبره يرمي الطلاق لان كلمة طلقني بقت عاديه علي اللسان في وقت غضبه بيطلق وبالتلاته لحد ما زادت حالات الطلاق بشكل فظيع

والا زود المشاكل بقي مواقع التواصل الاجتماعي

الست تكره جوزها تروح تكلم غيره يعني خيانه تكنولوجيه

والراجل يضايق من نكد مراته يروح يكلم غيرها وتعرف وتطلب الطلاق وأولادهم بيدمروا نفسيا.

١٠-حماتك..أو حماتك

هي مش قنبله ذريه ذي الافلام….لا هي انثي وانتي هتكوني مكانها في يوم من الايام زمان كانت الزوجه بتنحمل حماتها وبتعتبرها امها وبتعاملها بما يرضي الله والحماه كانت لها احترامها وهيبتها….دلوقتي اغلب المشاكل الزوجيه بسبب الحماه…ياريت كل زوجه تعتبر حماتها امها وكل حماه تعتبر مرات ابنها بنتها عشان تمشي مركب الحياه 

طولت عليكم ونكمل فيما بعد.