جريدة المساء العربي جريدة المساء العربي
مقالات مشابهة
قصة الشهيد البطل فاروق جعفر ترويها أم الشهيد للمساء العربي أبن مركز أبنوب أسيوط
احمد هاشم نصار
قصة الشهيد البطل فاروق جعفر ترويها أم الشهيد للمساء العربي أبن مركز أبنوب أسيوط
تروى أم الشهيد فاروق جعفر أحمد ثابت نصار لجريدة المساء العربي أخر مكالمه من أبنها الشهيد البطل
في بدأية الحديث ” للمساء العربي”
انا لسه فاكره كل كلمه قلتها ليه
اتأخرت ف الجيش عليا ياحبيبي 105يوم ونزلت اجازه وكانت اخر اجازه ليك وجيت وقولتلي ياأم شايفه الشهاده دي كنت بطلع مداهمات في سيناء العمليه الشامله وكنا بنقتل الارهاب وكنت سعيد جدا وفرحان انك بتطلع المداهمه ياحبيبي فقلبي وجعني لما قلتلي فاخفت عليا وقلتلي خلاص يا أمي مش هاطلع تاني سلموني الشهاده دي وخلاص كده مش هاطلع تاني وكل ماأقلك ايه يافاروق مش هاتنزل اجازه لانك ياابني وحشتني كنت بتقلي ان اصحابك ف مداهمه ولسه مارجعوش واتاري كنت بتطلع المداهمه وكنت تقولي اصحابك عشان ماقلقش عليك وكنت دايما تطمني عليك وتقولي انا كويس في مكان أمان ماتقلقيش عليا يأأمي بسي قلبي كان مش مرتاح بالرغم انك كنت كل يوم بتحاول تجمع شبكه عشان تطمني عليك بسي كنت بطمني عليك ولاكن دمعتي كانت دايما علي خدي وقضيت معانا الاجازه بسي ﺣحسيت بحاجات غريبه عرفتها بعد استشهادك كنت دايما سرحان كنت بتقعد ف كل اوضه شويه وتنام كمان فيها كنت بتقعد معانا كتير اوي وكنت بتحب تبصلي كتير انا واخواتك وكمان كنت بتطلب كل حاجه اجبهالك من ايدي انا حتي اللبس كنت تقولي امي نقيلي طقم علي ذوقك وكمان كنت تقولي ايه رأيك ف تسريحت شعري وجه عليه يوم وانت كنت نايم وبنشر التيشرت بتاعك ف البلكونه جالي هاتف وقلي انشري لبس الشهيد فاروق قلت فيه ايه يارب مايكنش الا جوايا ده صح جريت وقعت جنب فاروق هو ونايم وبصيت علي وجه لقيت وجه بيشع نور من كل حته فقلت بسم الله ماشاءالله ايه الحلاوه دي يافاروق يا ولدي عريس قلبي انقبض دعيت ربنا ان الهاتف الا جوايا مايكنش صح كانت أخر اجازه ليك كانت شهر 3وفرح اختك كان ف شهر 7حبيت تطبع الدعاوي معاك عشان تعزم اصحابك وسفرت ياحبيبي وعزمت كل حبايبك ف الجيش وكان فيه مداهمه اول ماوصلت كتبت اسمك انك تطلع المداهمه ف الرائد قالي لا يافاروق بعد ماتحضر فرح اختك ابقي اطلع انت ياابني طلعت 8 مداهمات قبل كده هو فيه حد غصب عليك انك تطلع 8مداهمات قال لا ياافندم انا الا كنت بكتب اسمي عشان حابب اني اطلع فحاول الرائد ان يمنعه من طلعوه المداهمه 9 رفض فاروق ونظر ليه الرائد فوجد فاروق بيجري بسرعه علي السكن وجايب الشنطه بتاعته وركب الدبابه ووصي اصحابه اني لو مرجعتش اقفوا مكاني في فرح اختي وطلع المداهمه فاروق ورن عليا يو الثلاثاء الموافق 16/4/2018 وكلمني وسلم عليا وكأنه بيتودع مني وقلي سلميلي علي اخواتي وقلي سلام ياأمي وبعد ماقفل حاولت كذا مره ارن عليه تاني لكن للاسف مفيش شبكه الثلاثاء والاربع وفجر الخميس18/4/2018جالي اسوء خبر سمعته ف حياتي استشهاد روح قلبي ضنايا فاروق اربع سنين وانت بعيد عني
اللهم احشره مع النبيين والصديقين والشهداء والصالحين وحسن أولئك رفيقا .
1,149 إجمالي المشاهدات
