جريدة المساء العربي جريدة المساء العربي
إهداء السيد عفيفى جمال الدين
(للشباب والطلاب)
إفتح سكك للعمل
وارسم خطط
وامشي في كل طريق جديد
خليك بعيد
أختار لنفسك لون جديد
خلى قلبك حديد
ماتخفشى من نوع العمل
فيد الناس واستفيد
ليه تخلي حاجه
في الحياه دي تنقصك
وازرع أمل
قوم وذاكر الدروس
على الفشل يلا دوس
علشان وبالنجاح هتحقق رغبتك
قوم وخليك بطل
وانسى الكسل
سيب الوحش فى المكان
خد بس من النحل العسل
خليك مثل
لأى حد في يوم يشوفك
وانت ماشى عدل فى سكتك
خليه يمدح تربيتك
خلي الناس تشعر بمحبتك
إعطى فى العمل قوتك
دا الشغل لطلب الرزق مش هيموتك
خليك دايما فى الأمان
ابعد عن وسوسة الشيطان
ابعد عن الإدمان
خلى جواك إنسان
يشوف الدنيا فى جمال بسمتك
خلى الأمل والعمل هما دول سكتك
ازرع أمل واملى حياتك بالعمل
وشوف الدنيا بلون جديد
هتكون فى الحياة اكيد إنسان سعيد
تحياتي لكم
(للشباب والطلاب)
902 إجمالي المشاهدات
