جريدة المساء العربي جريدة المساء العربي
مجدوب ينادي/بقلم: الشاعر محمد دومو
يفك محنة العبد الضعيف المحتار
مهووس بلكلام سارح ومجدوب
هذا حالي ديما مع قسوة ليام
نفرغ القلب لمعذب من المكبوث
ننضم قصايد بنغايم مسموعة
تحكي قصة حكايتي بحروف
تطرب لمسامع بالرنة لمليحة
تفوج عل القلب وتغدي الروح
مقصود لكلام واضح وباين
يبكي والغصة فالقلب ساكنة وتنوح
الصحة راس مال ما ليها مثيل
خانتني ومشات هجراني السرور
أصبحت نساعف وعايش حزين
لا ݣانة مزيانة وديما ساير مغبون
نطلب من الله يكون فعواني
نتخطى عقبة وتعود بسمة المضيوم
يا ذوك لمجديب يا حبابي وصحابي
سمعوا قصة لمألم لي يحكي بالبوح
المعنى شاقة طريقها وواصلة
هكذا بالغمزة يتكلم كل ݣوال عفيف
-بقلم: محمد دومو
-مراكش/ المغرب
مجدوب ينادي/بقلم: الشاعر محمد دومو
691 إجمالي المشاهدات
