جريدة المساء العربي جريدة المساء العربي
بقلم الكاتب
محمد عباس
الاسماعيليه
**************
حاسب نفسك
دي قلوب مش صافيه
هتقول للناس علي ايه
الناس في قلوبها غلابه
قسوة وحرمان وجحود
راح ناخد ايه في الغابه
ماكفاية عذاب وقيود
ارض واطيان وبلاوي
هجر ونسيان وحكاوي
سيبها قبل ماهتسيبك
ويقولوا الناس مش هاوي
ويقول الناس مرحوم
مرحوم من ايه مش عارف
عاش بين الناس مهموم
حواليه اهله و مش شايف
غير كره ولوم وظنون
قلقان حيران اوخايف
مهوس بالمال مفتون
ولاحدش يسال عنه
كان راضي يكون مقسوم
غمي عينه وودانه
وماحدش كان معصوم
من ايده قبل لسانه
كان ظالم او محروم
وبدون واعظ اوحكمه
نسي رب الكون قيوم
لحظة وفكر في الدنيا
راح نخرج منها في يوم
الموت كده يجي في ثانيه
ليه كل الناس في غيوم
عرف ابنك علي اهله
كون بين الناس مستور
بالحب هتزرع املك
مين بكره عليه الدور
لومات هتحمل همه
وتقول فينك ياحبيبي
في الاخرة بتسال عنه
وتقول روحي وطبيبي
ياخسارة علي اللي بيشحن
ويدس سموم في قلوب
قدامك يبقي مزوق
وبيحكي في كل عيوب
بالصدق اوبالزور
ازاي وفين هتتوب
صدقني واسال نفسك
كله في كتاب مكتوب
من قبل مايجي اجلك
عيش بين الناس ايوب
زور اهلك زور احبابك
دي الدنيا شروق وغروب
عملك اخلاص اوغيبة
مين غالب مين مغلوب
حاجة تضايق وعجيبة
كان راضي يعيش مجدوب
اترك بين اهلك سيرة
مات خالد عاش محبوب
احكي في حياتنا فضيلة
مش كله اثام وذنوب
حاسب نفسك
1,197 إجمالي المشاهدات
