جريدة المساء العربي جريدة المساء العربي
أبويا
ابوك اللى ريحته بتملى المكان..
وشيئ م الحنان..
يشدك تصلى ف وقت الادان..
تجمع ملامحك..جزء ف ملامحه..
وتنده عليه ..مردش ساعتها..
وتمسك ايديه ..بتمسك هوا..
رجوعك ياابويا العلاج والدوا..
ماليش الا ابويا اللى طبطب عليا ..
وجه ف المنام..
ماليش الا ابويا يحس بقساوة الحياة والجراح..
ماليش الا ابويا اللى يفرح نجاح ابنه بعد النجاح..
ماليش حد غيره..
بالبس هدومه وباضحك كتير..
واكدب واقول اللى خلف مماتش..
أتارى اللى راح خلاص مش يعود..
كلام قاله ليا كتير متسمعش..
بحبك عشان انتا علمت فيا..
لانك كمان مت ياابا ف ايديا..
اخر كلامك دابحنى ب مطوة..
حاولت انى الحق سابقنى ب خطوة..
وشاف الملاك هناك بيناديه..
اسمع يافندى ..اسمع يابيه..
ابويا اللى شاف المرار ..طفح نار ..
جاله الملايكة بيستأذنوه..
ابويا اللى ف الدنيا نور ديار
عمرى م شوفت القسوة ف عنيه..
..سلامى اليه ف المكان اللى عايز..
بجد ان ازوره واسلم عليه..
أبويا
بقلم الشاعر احمدالرفاعى
1,535 إجمالي المشاهدات
