جريدة المساء العربي جريدة المساء العربي
مقالات مشابهة
يوسف رشوان بطل مصري جديد يحقق برونزية بطولة مصر الدولية للباراتايكوندو
حوار: محمد عبد القادر
علي اوقات متفاوتة يظهّر علينا نماذج من بلدنا الحبيبة مصر تعطي لنا الامل والقدوة في
العزيمة والاسرار وتحدي الظروف وفرض إرادة الواقع علي إرادة العقل والزمان.
وكما عودتكم جريدة المساء العربي ووعدتكم بدعم الشباب ألتقينا مع بطل جديد
فهو في فترة بسيطة استطاع أن يتحدي الزمن والوقت وأستطاع تشريف بلده
والأعلان علي مولد نجم جديد ضاربآ أجراس ألانتباه لأختراق البطولات الدولية والدخول في معترك المنافسات العالمية.
وهذا هو حوارنا مع يوسف رشوان الحائز علي برونزية بطولة مصر الدولية الاولي
* للباراتايكوندو* التي اقيمت في العاصمة الإدارية الجديده.
في البداية عرفنا بنفسك يايوسف ؟
اسمي يوسف رشوان ١٨ سنة من اسكندريه محل الميلاد منطقة ال ٢١ ولكن مكان المعيشة حاليا في محرم بك
بتلعب في نادي ايه ومين المدرب بتاعك؟
بلعب في نادي عز الدخيلة برئاسة استاذنا الكبير الخلوق ا/السيد إبراهيم
وتحت رعاية مؤسس فرق التايكوندو بالنادي الكابتن الكبير أحمد خضر
من عام ٢٠٢٠ حتي الآن والمدرب بتاعي الكابتن محمود عبد المنعم والكابتن أشرف رفاعي.
احكيلنا ازاي استعديت للبطولة وخصوصا إن البطولة دي اول بطولة تشترك فيها؟
تم تجهيزي بدنيا ونفسيا علي أعلي مستوي بفضل الله ثم الكابتن محمود عبد المنعم اللي بعتبره صاحب الفضل عليا
في اللي وصلت له وكان معايا دايما وفي ضهري بالتمارين والتجهيز الجيد جدا للبطولة.
احكيلنا علي مشوارك في البطولة؟
انا لعبت في دور الثمانية مع لاعب ياباني وقدرت افوز عليه ٢٤/٢٢ رغم اصابتي بكدمة شديدة في ذراعي
وتأهلت للمربع الذهبي ولكن اصابتي اثرت عليا فخسرت وقدر الله ماشاء فعل
احساسك ايه بعد البطولة؟
الحمدلله على كل حال بس انا مكنتش راضي بالبرونزية رغم إن دي اول بطولة دوليه ألعبها وبلعب تكت أستريس
وأول مرة أخوض الاحتكاك الدولي وألعب مع لاعبين دوليين وخصوصا اللاعب الياباني.
لكن الحمدلله على كل حال وإن شاء الله القادم يكون أفضل .
فيه أي إضافة عايز تقولها؟
طبعاً احب ان اوجه جزيل الشكر لكل اللي وقفوا معايا قبل واثناء البطولة وشجعوني بكل حب.
واخص بالشكر الكباتن اللي ليهم فضل كبير عليا الكابتن محمود عبد المنعم والكابتن أشرف رفاعي
وهكذا كنا مع بطل من ابطالنا اللي شرفونا في محفل دولي كبير في بطولة كبيرة وننتظر منه الكثير في المحافل القادمة بإذن الله
1,191 إجمالي المشاهدات
