بقلم / بليغ بدوي
انا المصري
إبن التراب و الطين
ربي خلقني طير أطير
في السما بدون جناحين
أعيش طليق فى الخلا
لا يصدني برق و غيم
أنا إبن الشجر و النيل
بلادي بين بحرين
أنا الكلمة اللي بتطلع
حرة تزلزل الميادين
أنا صرخة العدل
اللي تكسر الزنازين
انا ابن الساقية و الترعة
فلاح بعشق ريحة الطين
بلادى راسها مرفوعة
تاريخها منارة للعالمين
في سينا رمال الخير
و شجر الزيتون و التين
اسكندريه عروس البحر
بلد الجمال و الصيادين
الصعايدة أهل الشهامة
و السواعد المتشمرين
بنها العسل بلد الحبايب
ارض الشعير و الفلاحين
فى المحله مصانع قماش
و الصوف كسوة المصريين
قنال السويس مجري الحياة
حبها يجري ف الشرايين
المصري باختصار إنسان
عمره يتحسب بسنين
يعيشه بعزة و كرامة
شريف ناصع الجبين
لا يزله مخلوق
ولا ينكسر عليه دين
انا المصري باهلي عزيز
و عزوتى بالملايين
لا ظلمنا يوم إنسان
و لا هددنا بني آدمين
حررنا بلادنا بدم اولادنا
و لما جنحوا للسلم
نفذنا ايات الدين
ساعدنا ليبيا و الجزائر
و وقفنا مع اليمنيين
لا كتمنا يوم كلمة حق
ولا كنا في يوم آفاقين
إحنا أهل الكرم و الجود
و المروؤة الطيبين
أجدادنا صنعوا التاريخ
منهم علما و علاميين
السيسي زعيم البلاد
الشعب معاه بالملايين
الجيش و الشرطه خير
اجناد الارض ليوم الدين
تاريخنا شاهد عيان
ان احنا منتصريين
احنا المصريين
انا المصري
672 إجمالي المشاهدات