جريدة المساء العربي جريدة المساء العربي
المسحراتي الحلقة (١٤) الزوجة الصالحة
مسحراااتي …. منقراااتي
وِ جَي ليلااااتي
أندَه و آهااااتي
إصحى يانايم
و إنت يا نايمه
عِيشَه هَنيه
طُول ما إيدِيكِ سانده إيديه
وبألف رااااجل
في وسط مِيَّه
مع زُوجَه صالحه
تَفاصيلها سِمحه
بالود طااارحه
ماليَّه حياتنا .. زينه و سُرور
ومن إيديكِ .. يِحلَى السِّحور
إصحى يانايم .. يانايم إصحى
دا كُل واحد لِيه فِينا مَطرَح
وإنتِ في بِيتك
صَاينه الوِلاااااد
مِين إللي خارج ؟
مِين إللي عااااد ؟
وِف وقت شده
عِزّوَه وِ زَااد
ياوصلَه بينا
حَبل الوِدااد
أجمل هديه من رب العباد
إصحى يانايم .. يانايم إصحى
رمضااان كريم
706 إجمالي المشاهدات
