جريدة المساء العربي جريدة المساء العربي
لحالي أحلى
صُدفَة كِدة ومِن غير سابِق مَعادْ
خَذ روحي لِ لياليه وسَلمني للسُهادْ
بقِت روحي وقلبي عن عقلي بِعاد
وانا كنت قبله،مليش الا آمالي
لحالي احلى
جايز تُكون عارِف و جايِز لأ
لكن يا روحي إن جيت للحَق
اتمنيتك السَعادِةلقلبي وأفراحُه
قتلت بهجرك حبي واغلى آمالي
لحالي أحلى
لكن يا خسارة ما فهمتنيش
وخنقت بعندك قلبي الدرويش
ليه ما سبتني زي ماانا أعيش
لاحب كملناه ولا الوحدة بتِحلالي
لَحالي أحلى
يا قَلبي كدة إسمعني هَقولَك إيه!
كِفايةأماني ليه بتزيدني وياك تيه
وداع يا أحلامي وبالنسيان داويه
هعيش لوحدي وأقول:وأنا مالي!!
لَحالي أحلى
بدام طيبَة القلب و الإحساس
ملهُمشِ قيمَة ورِخصوا عَند الناس
وكلهُ ماشي بالمُجاملَةبوس الراسْ
سلامات ياقلبي و ياروحي تعالي
لَحالي أحلى
يا ريت قَلبي يِموت جُوايا و يِسَلِمْ
ولا ِيسمَع كَلام الحُب بيوم ويِتألِمْ
خلاص الجرح جوايا بقا مِعلِّم
ليه يابركان الخوف جوايا بتلالي
لَحالي أحلى
آه يازمن ظلم البشر فيك ألوان
لا عاد فيه حبيب وكله بقى مُدان
و دموعنا بتنزل ع الخدود بركان
معدش معايا سوا طيفه بالعالي
لحالي احلى
يا زمن غدار الصدق فين أراضيه؟
أمشيلهُ بالمشوار وأروحلهُ وألاقيهْ
دة وجع القلب إحتلهُ سِكِنْ فيهْ
وألاقي قلب طيب يعيش كرمالي
لحالي احلى
خَلاص يا رُوحي يا مَخْنوقَة
هَسيبِك في السما مَطلوقَة
وعيش ياقلبي بروح محروقة
مَوِّت الطيبة و طير في العالي
بقلم الشاعرة/ آمال محمود
25/9/2022م
1,453 إجمالي المشاهدات
