جريدة المساء العربي جريدة المساء العربي
ناس جميلة ف الحقيقه
بقلم-أشرف رسلان
تكون جريئه
عايشه دنيتها بصراحه
حزنها بيفوت دقيقه
ناس عندها البساطه كل
شيء
ناس كلامها بيطلع
م القلوب
تحتار فيها لما تفتش
ع العيوب
ولا عُمر يوم عن حبها
تقدر تتوب
ناس تخلي الدنيا جنه
أما تقابلها
عايشه حالها ف نفسها
ولحال سبيلها
خير بيجري ف دمها آه ياجمالها
ناس ما تعرف يعني إيه
معنى الخيانه
ناس تِقّدَر الجِميل وترُدُّه
بأمانه
نِفسها دايمًا عَزيزه و لا
ترضى الإهانه
ناس وليها وش واحد
ما تغيروش
المبادئ و القيم عندها
ما تجزءوش
لا هَمَّها على بطنها لجل
ما تملا الكروش
ناس بتفهم في الأصول
طول عمرها
ناس تخاف من المعاصي
ولا تغضب ربها
لو تلف الكون بحاله عمرك
ما تلقى زيها
588 إجمالي المشاهدات
