جريدة المساء العربي جريدة المساء العربي
أنا أبن بورسعيد
بقلم : محمود السعيد عبد الهادي
بورسعيد
أنا ابن بورسعيد
أنا ابن البحر و الشط و الميه
ابن السمسمية و الأصالة
والحضارة والعشق والمواويل
أنا الامل وابن الأماني
وحلمي أن أكتب أغاني
وليل ونهار ع رزقي بطير
ماانا بطبعي بورسعيدي أصيل
رغم أني حالي واقف
الليل بيعدي عليه طويل
وحظي يمكن قليل شويه
بس بحمد ربي كمان كتير
شقيان وعايش وكمان ب عاني
وهمومي زادت و طفحت الكيل
والدنيا لسه مضلالاني
شغلاني بيها ومكعب لاني
في أمورها أنا شفت ي ناس الويل
ورغم أني بعيش في حالي
والدنيا لسه ملجمة لساني
لكني عمري والله ما أميل
انا الشاب البورسعيدي الجميل
ولا عندي لبلدي بديل
ماهيه أصلي وهي مكاني
هي الماضي وهي زماني
عشقها الجارف ملاني
وسحرها فاق المعاني
هي نبضي وعشقي وحناني
وهي شطي وكل الأماني
بوجودي فيها مطمناني
ويوم ما فكر في يوم أبعد
برجعلها بلهفة وشوق وحنين
ماانا بطبعي بورسعيدي أصيل
ولا عندي لبلدي بديل
أنا أبن بورسعيد
1,570 إجمالي المشاهدات
