جريدة المساء العربي جريدة المساء العربي
إفهمها صح
حين نبحث عن السعادة وأساسها نجد أنها لامعيار لها…
فقد تكمن السعاده في دواخل البشر جميعا، إلا أنهم دائمو البحث عنها خارج أرواحهم وأنفسهم، مما يستنزف طاقاتهم…
فكثيرا مايلهث الإنسان وراء السعاده ولن يجدها……
slowliving ..
أسلوب حياه مختلف بيشجعك على إنك تعيش حياتك “واحدة واحدة”وبرضا وسعاده وعلى مهلك من غير استعجال
بما إننا أصبحنا أسرى للوقت والتسارع الزمنى
بمعنى
لازم ألحق كل فرصة قبل ما تضيع
لازم أكون على اطلاع على كل الأحداث
لازم أبقى على علم بكل حاجة جديدة بتحصل وكمان أحاول أعملها حتى لو امكانياتى لاتتيح لى ذلك
لازم أعرف أي تريند أول ما يبدأ
لازم أشتغل أكتر , عشان أنجح أكتر
لازم أعمل فلوس أكتر لأعيش برفاهية أكثر
لازم أكبر مشاريعي قبل ما غيري يكبر مشاريعه
صراعات و تهافت على كلام فاضي و أهداف وهمية
Slow living
ده عاوز منك عكس كل ده
اشتغل و انجح و اعمل فلوس و كل حاجة ، بس و انت آخد بالك من بقية جوانب حياتك فلا تهتم بجانب على حساب جوانب أخرى
أصدقاء كثير لى كتير بيقولوا لي إنهم اتفاجئوا إن أولادهم كبروا من غير ما ياخدوا بالهم , و إنهم بالفعل لم يستمتعوا بفترات الطفولة و اللعب لأنهم كانوا مشغولين عنهم فيها
أحد عمالقة البيزنس اسمه Dan Lok , بيقول إننا دايما بنسمع إن Time is Money بس ده غير صحيح إطلاقا لإن الوقت أغلى من الفلوس بكتير و الدليل ببساطة
الفلوس تقدر تعوضها
لكن الوقت بالفعل لايعوض
وأنا رأيى إلغى كلمة “الفلوس” وضع مكانها أي حاجة تستطيع الاستغناء عنها جزئيا الشهرة الكارير النفوذ المكانة الاجتماعية الوجاهة
كل دول ممكن يتعوضوا أكيد
على الرغم ان فى ناس كتير لاتستطيع الاستغناء عن السلطه أو النفوذ
لكن فى نهايةالمطاف كثيرا منهم يشعرون بالندم بعد فقدان الكثير من معانى الحياه الجميلة من الحب والسعاده وده لأنهم فى زحمة الحياه تناسو أنهم بشر
قف لحظة كده من فضلك وخد نفس عميق واستبدل مكان “الوقت” كل شىء صعب يرجع بعد ما راح
صحتك عيلتك ذكرياتك وأهم حاجه سعادتك
انا حرفيا مؤمنة جدا ب : Less is More
لأنى بالفعل خضت التجربه إنك تتفانى أوى فى عملك ستجد المحصله صفر
وستجد نفسك فى ضغوط كثيرة ودوامه تنسى خلالها ذاتك وسعادتك وتنخدع بنجاحك فى شغلك
لكن الأصل سعادتك وحياتك الخاصة هما الأساس فى نجاحك
قليل من المجهود والتغافل الذكى يساوى كثيرا من السعادة
و في الحديث الشريف : ما قل و كفى , خير مما كثر و ألهى
خد نفسك
شيل رجلك شوية من على البنزين
افتح زجاج العربية و انظر على الطريق من الجانبين واستمتع بكل لحظة وانت بتعيشها
لو وصلت متأخر شوية و مبسوط
أحسن من لو وصلت بدري ساعة ولا حتى ساعتين و عندك كوكتيل أمراض مزمنة لاحصر لها
إفهمها صح
بقلم دكتور/ نجوان حسنى
965 إجمالي المشاهدات
