جريدة المساء العربي جريدة المساء العربي
اعيش بكرة
بقلم الكاتب /محمد عباس
الاسماعيليه
ماتوعدنيش اعيش بكرة
وانا في ليلي جريح مهزوم
ف خد مني يدوب ذكري
ان ضهري بقي مقسوم
مابين الكلمة والكلمة
طريق اوهام
وبين البسمة والبسمة
عبر والام
سعيد مغرور
خريف وهيام
وانا واقف علي السكة
باعيش ويدوب علي الفكه
مابين رحلة صمود وهبوط
بمد شراع علي الدكه
انا النظرة اللي مقسومة
وتايهة
بس معلومة
فمتلومنيش اكون انسان
وانا عايش علي الاحسان
زهيد والمعني في الحرمان
وليلي طويل وفين مابنام
بعين غفلة وعين نعسان
وبتغذي علي الاحلام
تنام الناس علي النسيان
لكن عمري ماشفت امان
امان ازاي وفي انسان !
بيصرخ جوا حلمه
مافيش
لافي اسرة
ولافي عريش
ولالقمة تشبع الدرويش
يعيش في الخوف
ذليل مخطوف
بنصف رغيف
مليه الخوف
وشتاء اوصيف
بيوصف طيف
ويجي الضيف
يلاقي كسوف
ولا زلعة
ولا معروف
ولاحكمة
ولو بالزيف
يبان واهي وكله حنان
يبات يغزل خيوط وقدام
علي صخرة من الايام
وده لاجناح ولاسواح
يداوي جراح بالف سماح
لالف سهام شرور سفاح
انا اللي شربت
مرار اهوال
ساعات راهب
ساعات محتال
سقيت الحب
للعشاق
ولاصني
عبير فواح
ونور وضاح
لكن اهوال
علي اشباح
ماهو طبع البشر
نواح
ولايفكر في مرة يثور
وينحت فتحة جوا السور
وينصرني
ولو بالزور
وانا اللي زمان
فريد انسان!
وفي قلبي
نهر حنان
ونبض امان
وعلمته يعيش الدور
وينظرلي
بعين مبرور
فزودها
شرور و بذور
في ارض خلاء
ينام ويقوم
وحولني
ركام وحطام
يقول مظلوم
وخلاني
في ضنك ولوم
بيالمني
ورغم الزوم والمكتوم
يبان مفطوم
وليه الشر في جذوره
علي كفوفه علي غصونه
يغور م الدنيا بقصوره
يعلي في بابه وفي سوره
وبين الدمعه والدمعه
بولع كل يوم شمعه
ومن يومي
اخدت قرار
هعيش صابر
ولاهنهار
ولو هشحت واكون بدار
وواضع روحي علي كفي
لا انا عايزك ولا هوفي
ومين جنبي ومن صفي
هعيش درويش
سلاحي الهيش
اجوع اشبع
ساعات ملقيش
يدفيني يدوب فحمات
يداريني همم وحارات
انا واخد حبوب للذات
تقويني وشوف امارات
انا ميت امام مزارات
لكن راضي
وشحني سكات
وجوايا صراع واهات
ومن نفسي
كفاية حوارات
لان
طريقنا بقي
مقطوع
وبنا حوار
كلام ممنوع
انا مؤمن بان الروح
تبان صافية
بنور وسطوع
ورغم النور
بيجي تلال مليها النوح
تبان خنقه وطير مدبوح
وبكرة ده في علم الغيب
يكون ساطع ورغم العيب
ربيع واسع ثراء اوبيع
هقول كلمة يدوب سطرين
بعيدة عن السحر والعين
يارب الكون وبلجالك
اعيش معصوم
ومشتاق لك
اختم حياتي
بالمقسوم
فصبرني ياربي
الكون
واكون وحدي
بكن فيكون!
اعيش بكرة
2,296 إجمالي المشاهدات
