جريدة المساء العربي جريدة المساء العربي
مقالات مشابهة
حوار : بسمة البدري
يعد وحيد محسن صانع العاب نادي بلدية المحلة من احسن وأبرز لاعبين في الفريق والمجموعة التالتة مجموعة بحري ، فهو يمتلك التصويب من خارج الخطوط والتحركات الجيده .
ويعتبر وحيد محسن هداف مجموعة بحري برصيد 12 هدف
وأجري “المساء العربي” حوارا خاصا وحصري مع اللاعب وحيد محسن لاعب الفريق الاول بنادي بلدية المحلة عقب الصعود للممتاز.
ماهي تعليمات كابتن أحمد عبدالرؤوف ليك وللاعبين قبل كل مباراه ؟
كان دائما بيقول أن مفيش ماتش سهل وان الفرق الصغيره دي دائما بتبقي عايزه تعطل الفرق الكبير وكان دائما بيحفزنا وكان دائما بيخلينا ناخد بالنا من الفرق اللي خسارتنا الدور الاول .
توقعت صعود البلدية للممتاز هذا الموسم ؟
كان عندنا أمل كبير بصعود من اول السنه واحنا بنعافر واجتهدنا واشتغلنا علي نفسنا كتير لحد ما ربنا كرمنا وكابتن توقعاته كانت في محلها
وقال لينا أن ماتش دكرنس هو الصعود والحمد لله قد كان.
ماهي أصعب المباريات التي وجهتكم خلال الموسم المنقضي ؟
الحقيقه أكثر من مباراة لكن الحمام من أصعب المباريات بسبب الاجواء وسوء الملعب وبعد المسافه في السفر، كنا كسبانين وخسرنا المباراه 2/3
ومباراة المجد علي ملعبه لكن الحمدالله قدرنا نحافظ علي 3 نقاط
كمان احنا فرقه من أول السنه بنلعب علي الصعود كان كل ماتش بنسبالنا ماتش كأس وبنلعب كأنه اخر ماتش .
وماهي عدد مشاركتك مع الفريق ؟
انا مشارك في 22 مباراة و سجلت 12 هدفا و صانع 9 أسيست .
متي سينتهي عقدك مع الفريق وماهو طموحك الفتره المقبله ؟
أنا بقي في عقدي سنه
وانا من أهم طموحي نخلص الموسم الجاي في مركز كويس
هل ممكن تجدد البلديه وتكمل معاهم ولا في عروض؟
لسه في جلسة كمان أيام بس لو نادي عايزني أكمل شرف ليا أن ألعب مع فريق كبير بحجم البلدية وجهاز فني ممتاز مدرب كبير .
من وجهه نظرك مين الفريق اللي هيكون الحصان الاسود من الصاعدين في الدوري البلديه وزد و الجونه ؟
البلدية أكيد احنا فريق ممتاز وبنلعب كوره كويسه جدا وعندنا الامكانيات اللي توصلنا المراكز متقدمه .
وماهو دور الاداره مع الفريق في خطه الصعود للممتاز ؟
الإدارة محترمه ودائما كانه في ضهرنا ومسندانا طول الدوري بشكل أساسي معانا في الصعود مكنتش لاعبين بس كانت لاعبين ومدرب واداره وجهاز فني بجد منظومة متكامله .
وجهه كلمة لكابتن أحمد عبدالرؤوف و للاعبين ؟
أنا بشكر كابتن أحمد عبد الرؤوف مدرب كبير وجهاز الفني وبشكره إن كان دائما في ضهرنا وحقق حلمنا وحلم كل البلديه.
889 إجمالي المشاهدات
