جريدة المساء العربي جريدة المساء العربي
قالوا النهارده يوم مولدك
مروه حسن ابراهيم
قالوا النهارده يوم مولدك قلت أفرح بعلبه حلاوه وسمعت المنشد بيقول صلوا على الرسول..صليت عليه وسلمت تسليما قام قلبي قالى يا منافق صليت عليه طب فين الهمه وفين العزيمه.. صليت الفجر حاضر.. سمعت كلام ماما وبابا وقلت حاضر..سديت جوع مسكين..طبطبت على راس يتيم..صونت شغلك وقلت أمانه.. أحسنت لجاراك وفى تصرفاتك حطيت نفسك مكانه..فكرت بقلبى وعقلى ونزلت من عيوني دموعي جدايل..دا أنا على كده من أصحاب الذنوب وكتير أنا شايل.. يا رسولنا ايوه أنا كلي ذنوب وخطايا ابتدت معايا من بداية صبايا..بس لو يوم الوعد قلتلك انى بحبك هتصدقنى.. نفسي اكون من اتباعك يبان على السجود.. أنا من جوايا مؤمن وربنا المعبود..وهصلى عليك وهسلم تسليما من غير نفاق وبكل عزيمه..من قلبي ببعتلك ألف ألف مليون سلام يارسول الرحمه والحب والإسلام
قالوا النهارده يوم مولدك
3,511 إجمالي المشاهدات
