جريدة المساء العربي جريدة المساء العربي
نصائح هامه من المهندس محمد سامح عن ازى تحافظ على ماتور عربيتك وعلبة البيئة
كتب – هانى زكريا
التقينا اليوم بالمهندس محمد سامح صاحب مركز المصطفى لصيانة وإصلاح جميع انواع السيارات بمدينة بنها محافظة القليوبية وكان الحوار مفيد وممتع وهام لكل اصحاب السيارات في مصر والوطن العربي
س : ازي اعرف ان السياره عايزه تنظيف للماتور أو علبة البيئة أو الرشاشات؟
ج : لوعربيتك مش مظبوطة أو السحب بتاعها مش حلو وصوت الماتور عالي أو بتاكل بنزين او أو مكتومة كل دي علامات على أن السياره محتاجه تعمل دورة تنظيف للماتور أو علبة البيئة أو الرشاشات بعد فحص واصلاح السيارة جيدا ان شاء الله كل العيوب دي هتختفي ومش هتلاقيها تاني في السياره لو عملت دورة التنظيف دي مظبوط وعلى ايد حد متخصص وفاهم كويس
س : ازي اعرف ان السياره عايزه تنظيف وتظبيط الحاجات دي؟
ج : صاحب السياره الخبره بيعرف الحاجات دي لوحده عشان ليها علامات كتير بيلاقي السياره بتقطع بتأكل بنزين رائحة عدم السياره مش كويسه سحبها ضعيف أداء السيارة في المشي السريع مش كويس تحس ان السياره مخنوقة لو انته لسه مش خبره ممكن تيجي علينا على طول واحنا نعمل اللازم ان شاء الله وساعات مراكز لصيانة ميكانيكة السيارات بتبعت لينا العميل لفحص وعمل اللازم للسياره
س : ايه اللي بيحصل للسياره بعد عمل دورة تنظيف كاملة للماتور وعلبة البيئة بالهيدروجين؟
ج: السياره بتختلف معاك 180 درجة صوت الموتور وسحب وعزم السياره بيكون شديد جدا بيقل تأكل البنزين ويوصل للمعدل الطبيعي للسياره بتحس إن السياره فاقت جدا معاك في المشي
س : ايه اسباب انسداد الرشاشات وازي احفظ عليها؟
ج : اسباب انسداد الرشاشات بيكون البنزين غير جيد وغير مناسب للسياره لازم نفهم ان السياره اللي نزله على تفويل التنك 92 أو 95 مينفعش نحط ليه مثلا بنزين 80 بيكون التنك في رواسب كتير وده بيسد رشاشات السيارة وممكن كمان السياره تكون محتاجه تغيير فلتر البنزين وطرمبة البنزين
اصلاحها بيتم فك الرشاشات وادخلها على الجهاز وفحصها جيدا وتنظيفها وتظبيطها جيدا ثم تجريبها خارج السياره على الجهاز الخاص ب الرشاشات ثم تركيبها بالسياره مره اخرى
س : فيه ميكانيكيه بيشيلوا علبة البيئة خالص هل ده صح؟
ج : ده أكبر خطأ علبة البيئة نزله في السياره لحماية البيئة والسيارة ولو مكنش ليها لازمه مكنتش نزلت في السياره اصلا وبستغرب جدا من ناس ميكانيكية بيشيلو الفحم اللي في علبة البيئة وده غلط جدا علبة البيئة بيتم تنظيفها بالكربون وهتلاحظ فرق كبير في أداء سيارتك معا تقليل استهلاك البنزين
س : بتنصح بعمل صيانة دورية كل اد ايه في السياره؟
بنصح بعمل صيانة دورية كل 5000 : 10000 والصيانة دي بتشمل طبعا تنظيف الماتور وعلبة البيئة بالهيدروجين معا تنظيف وتسليك الرشاشات جيدا واخيرا تنظيف البوابة والحساسات جيدا وبكده بتحافظ على السياره مدى الحياه وبتوفر انك تصرف فلوس على السياره دون اصلاحها جيدا لان معظم الأعطال في السيارات بتكون بسبب اهمال الصيانة فى الحاجات دي
واخيرا اختتم المهندس/ محمد سامح اللقاء معانا بأن ( مركز المصطفى لخدمة وصيانة جميع انواع السيارات) الكائن بمدينة بنها كورنيش النيل يرحب بجميع العملاء من جميع محافظات جمهورية مصر العربية
916 إجمالي المشاهدات
