جريدة المساء العربي جريدة المساء العربي
مقالات مشابهة
قائد سفينه الوطن
كتبت /هناء علام
قائد سفينه الوطن
ماهى سفينة الوطن وماهو قائدها الأن هى سفينة ( تشبه سفينة سيدنا نوح ) والسفينة بيكون لها ربان واحد بيقودها إسمه الرئيس عبد الفتاح السيسي
سفينة الوطن تشبه سفينة نوح ..من حيث إنها تسير وسط
أمواج عاتيه …متلاطمه ..ويحاول ربانها ( ومساعديه ) بكل
ما أتاهم الله من قوه أن يظل ماسكآ بدفتها ..موجها شراعها
في إتجاه شاطئ الأمان ليس حرصآ علي نفسه بل علي وطنه
( فقد خبرناه في المواقف الكاشفه حاملآ روحه علي كفه )
ولكن حرصآ علي ركاب السفينة الذي أؤتمن عليهم . وإرتضي بحمل تلك الأمانة التي ناءت الجبال عن حملها مخافة الله عز وجل .سفينة الوطن تلك أنا واحده من ركابها دلوقتي أنا مصريه إخترت هذا الربان الأمين وارتضته قائدا وحيدآ للسفينة ( وقفزت معه علي متنها )
لإننا_عارفين_بالخبرة_المصرية_أن_المركب_التي_لها ريسين_بتغرق )
فيا أهل مصر يا ١٠٠ مليون مصري أو أكثر ..ياللي راكبين معانا علي متن نفس السفينة لكم_خيارين …لا ثالث لهما :
اولهما ..أن من لا يعجبه ربان السفينة ولا ترتضيه قائدآ
وحيدآ لقيادتها ف ليتفضل ينزل في أقرب مرفأ للوصول
بمعني مش عاجبك الراجل اللي بيقود السفينة..سيبها وانزل
دور لك علي سفينة تانية وربان تاني ( سهله أهيه )
بس مش هيبقي إسمها سفينة الوطن لإن الوطن له سفينة واحده بتحمل اسمه ..ولها ربان واحد اسمه الرئيس عبد الفتاح السيسي
إختارو بقي الإسم اللي يعجبكم لسفينتكم براحتكم ..
واختارو الربان اللي هايقود سفينتكم ..براحتكم برضوه
يعني يا جماعة الخير ..اللي مش مرتاح معانا ..وشايف راحته
في حته تانية يتفضل ينزل هنا . والقلب داعي له
الإختيار_التاني :
للمصري اللي قاعد معانا علي متن سفينة الوطن أهلآ بك
ومرحبآ..وسط أهلك وأحبابك ولكن بشرط : وضع تحته خط
لا ..عشر مليار خط ..مش هاتقعد معانا وتحاول تعبث
بالمكان اللي إنت قاعد فيها ..يعني مش انت واقف فى مكان
عليه أرض وفيه السفينة ..يقوم هواك يجيلك تقول أنا اهلك هذا المكان ليغرق براحتى ماهي بتاعتي وأنا حر فيها ) لا والف مليون لا
مش براحتك ولا حريتك ..لأن الأهلاك اللي حضرتك هاتعمله
في مكانك على السفينه بتاعتك ..هايغرقنا كلنا
بمعني اللي إختار يركب معانا سفينتنا..هايتبع معانا قوانينها
وهاينفذ كل أوامر ربان السفينة
( لإنه المسؤول الأول عن سلامتها ..ووصولها لمرفأ الأمان )
إرتضيت تركب معانا هاتركب وانت ساااكت عايز تتكلم وتزعق وتنفس عن نفسك ( براحتك ) هانسيبك تقول اللي إنت عايزه ( طالما لا يؤثر في جسم السفينة.ولا يخرب فيها.ولا يعرض سلامتها للخطر )
أكتر من كده ..مش هانسمحلك ..وهانضرب علي إيديك بكل
القوة الغاااشمه ( وممكن نرميك في عرض البحر لو تطلب
الأمر ..لأن سلامة حضرتك مش أهم وأولي من سلامة الناس
كلها علي ضهر السفينة )
وأنا عن نفسي ركبت في سفينة الوطن ..من أول يوم وهافضل قاعده متبته فيها بإيدي وسناني لغاية نهاية عمري ..أو وصول السفينة لبر الأمان وإستقرارها علي
الشاطئ ( أيهما أقرب )حتي وإن بقي علي ضهر تلك السفينة أنا وحدي …مع ربانها
تحيا مصر
حفظ_الله_الوطن
337 إجمالي المشاهدات
