(خلطة وخلطبيطة)

(خلطة وخلطبيطة)

كتب/ مجدى صبحى

أحلى خلطة وأجمل خلطبيطة
خلطة عظيمة من غير تخطيطة..
ولا كتاب ولا وصفة ولا تظبيطة.
سلطة فاكهة والخلطة عميقة.
لا فى جدار فاصل ولا حيطة..
ولا بيننا تحفظ لا ولا حيطة..
المفارقة بتطلع من غير ترتيبة..
عادتنا هى هى بس مش رتيبة..
بنورى العالم كل حاجة عجيبة..
بولس بيعلق فوانيس أنوار وزينة..
وعلى بيفرق طعمية فى الجمعة العظيمة.
بيوت تقدم اكل و سحلب بمية..
كنافة وقطايف صيامى مية مية..
ماريا بتخدم الحاجة علية..
وتقولها فطارك سحورك عليا..

إحنا سكر ومكسرات فى مهلبية..

 337 إجمالي المشاهدات