جريدة المساء العربي جريدة المساء العربي
اِستحاله تكون بشر
بقلم-أشرف رسلان
اِستحاله تكون بشر
انتَ قلبك من حجر
انتَ حُبك كان أناني
انتَ مكتوب لِي قَدر
ياللي شاغل قلبي بِيك
ليه تحسسني إني ليك
غدر باين من عنيك
اِستحاله تكون بشر
انتَ كِدبه أنا عِشتها
كِلمة حبيبتي سمعتها
بتوحشيني
كِلمه و كِتير رَددتها
حتى مشاعري جرحتها
كل كلامك كان خِداع
وِسِبتني من غِير وَدَاع
قلبي اشترى انتَ إللي باع
باع ذكرياتنااا …. كُلها
اِستحاله لِيك هَاخون
كُل حَاجه فِيك ظِنون
قلبي حَبك كان جنون
وِانتَ ماعرِفتِش تِصون
القَسوه كانت طَبع فِيك
وِ مَهما تِقسى بَحِن لِيك
أشتَاق لِلَمسه من إيديك
تنادي روحي وما ألتقيك
وعيوني تعبت م السهر
تِناجي طيفك ف القمر
لو كُنت ليه صحيح قَدر
لا بد يتغير اكيد
ماانت استحاله تكون بشر
626 إجمالي المشاهدات
I was examining some of your articles on this site
and I believe this site is really instructive! Continue putting up.Money from blog