جريدة المساء العربي جريدة المساء العربي
“#يلا #الترند”
بقلم حنان مصطفى
“#يلا #الترند”
بقينا بنسمع كتير كلمة “ترند” حوالينا ومعنى كلمة #ترند “هو الموضوع الاكثر انتشارا فى الوقت الحاضر”
كل يوم طالع لينا ترند جديد وخاصة مع ظهور وانتشار السوشيال ميديا، أنا بقى أنهارده جايه أتكلم سابق عصر السوشيال ميديا بمراحل
من زمااان قووى لو تفتكروا معايا تطلع كلمه تنتشر وتعلم وسط الناس وبعدين ترجع تختفى وتطلع كلمه تانيه جديده تغطى عليها، انا فاكره اول كلمه اخدت بالى ومدى انتشارها كانت كلمة يا باشا…نتكلم مع زمايلنا عادى،فى ايه يباشا مش بتيجى معانا الدرس ليه ولا كلمة “الجو” ودى بمعنى “الحبيب” دلوقت بتتسمى “الكراش” كان مثلا نقول أشرف دا يبقى الجوو بتاع لميا، ويمشى بينا الزمن شويتين وارجع آخد بالى من كلمات كبر الدى وروق الجى، فاكرينها؟؟!
ومن يجى تلات سنين كده طلعت كلمة “قمر” تقولك الفستان طلع قمر قووى، او الخروجه كانت قمر امبارح، مش متعودين بس ممكن نجارى الجو علشان منبقاش دقه قديمه، ولا كلمة “حد” زى مثلا الأستاذ مدحت حد محترم…
ياترى عيشتوا التريندات دى واتماشيتوا معاها، ولا رفضتوها واتمسكتم بقاموس مجتمعكم الخاص وطريقة تربيتكم؟
هل ممكن تجاروا أولادكم واصحابهم ف قاموس كلماتهم الجديده ولا بترفضوها منهم، وهل الرفض دا يعنى إنهم مش هيستخدموها ف مجتمعهم الخاص بيهم؟؟.
“#يلا #الترند”
350 إجمالي المشاهدات
