مصر وسط النيران.. والله المستعان
كتبته : إيمان ذهني
تعالي معايا يا أبني وابن عمي واخويا وجاري وصحبي عشان نعرف مع بعض إيه المستخبى
أنا بتكلم و أفضفض معاكم اليوم بالعاميه عشان نقدر نفهم بعض بسرعة، ويقدر كل اللي يقرا مقالي يرد عليه برتياحيه وإستفاضة هي طويلة شوية بس هنقدر من خلالها نوضح بعض النقاط التي كانت وراها كلام كتير مش واضح
بس عاوزاكم تركزوا معايا شويه في الكلام اللي هقولوا و خلوا بالكم معايا لأن الكلام اللي هقوله ده مهم جداً
أولا.. ودي نقطة مهمه جداً،،،أوعوا أي حد يهز ثقتكم في نفسكم ولا يدخل الخوف جوه قلوبكم
ولا يدسلكم السم في العسل ويصدرلكم طاقة سلبيه بأسم الوطنيه و الخوف على البلد،، أوعوا تصدقوا أي حد أو أي حاجه تتقال لكم على من يقومون بإدارة البلد مهما إختلفنا معاهم في بعض الأمور أو بعض النقاط او بعض السياسات لأن دا شيء طبيعي وعادي
عارفين ليه لأن الرؤية بالنسبة لنا مش واضحة كما يجب لأن السياسة بحرها واسع قوي ومحتاجة ناس تفهم في الأمور الل زي ي دي وعندها خبرة في المجال السياسي لكن إحنا بنتكلم على الامور الواضحة امامنا حاليا خصوصاً بعد أرتفاع الأسعار وضيق الحالة الاجتماعية التي نمر بها رغم إننا نعلم أن الأزمة ليست علينا فقط بل هي أزمة عالمية بسبب الحروب التي تشن في دول كثيرة وأهمها الحرب بين روسيا واوكرانيا،، وإسرائيل وما تفعله في غزة، ولبنان وما يحدث بين السعودية واليمن
وبين اليمن وإسرائيل
لخبطة وتفكك في الدول المجاورة
لكن الحق يتقال إحنا في حالة صعبة جداً وواجب علينا التحلي بالصبر ،، رغم إن الوضع السياسي و الاجتماعي و الاقتصادي الأن بدأ يتضح امامنا بعض الشيء عن طريق المؤتمرات والحوارات التي تنعقد في هذه الأيام
وأصبح يوجد لغة حوار وطني مجتمعي جيد بيننا وبين المسئولين عن إدارة البلاد وبدأت الرؤية تتضح شوية ب شويه امامنا بطرق مختلفة
بس بصراحة مش هو ده الكلام اللي عاوزه افضفض معاكوا فيه
نرجع لموضوعنا
اوعوااا تدوا الفرصه للناس دي اللي بتتلاعب بأفكاركم واللي بيحولوا يحسسوكم أن هما اللي فاهمين كل حاجه ويعلمون ببواطن الأمور وهما اللي خايفين عليكم وعلى البلد
طيب ماتيجوا معايا نفكر سوا بصوت عالي شويه ومسموع يمكن حد غيرنا يفوق و يكون قد التحدي
فتحوا دماغكم معايا وتعالوا نسأل
إيه حكاية السيناريو الخبيث ده اللي عملته امريكا والصهاينة منذ زمن علشان يدمروا الدول العربية اللي أطلقوا عليها دول ( الربيع العربي ) ..
خلى بالكم وخليكم مذاكرين ومركزين كويس وتابعوا الأحداث
_ بدايتها كانت الحرب الأمريكية المفتعلة على افغانستان والعراق اللي كلفت أمريكا مليارات الدولارات وأثرت على اقتصادها علشان تدمر وتفكك وتقضي علي أول جيش قوي في المنطقة العربية في ذاك الوقت
_ تخيلوا بقى حرب أمريكية آخرى ضد الجيش السوري والجيش المصري واليمني والسعودي والإماراتي ..
تفتكروا كده حيكلف أمريكا كام ..؟
طبعاً كتير جداً ملايين بل مليارات الدولارات و الإقتصاد الأمريكي مش مستحمل
تقوم أمريكا تعمل إيه تخطط في حاجه تانيه خالص
خالي بالك معايا يا ابن بلدي عشان نعرف المستخبي
هنضيف الي هذه الأمور مخططات آخرى في غاية الأهمية والخطورة منها العلاقة القوية الاقتصادية بين الدول العالمية وبين الدول العربية مصالح وصفقات تمت وآخر بتم لأن الدول العربية والإفريقية مليئة بالخيرات والثراوات الكثيرة والعديدة أهمها الغاز ، والبترول، والذهب
طيب إزاي نقدر نسيطر عليها؟
بإفتعال أكاذيب وأسباب غير منطقية وغير حقيقية بالمرة مثل ما تم في العراق واتهامها أن يوجد بها سلاح نووي خطير ومحظور عالمياً ومع هذه الأكذوبة قامة أمريكا بالإطاحة بالرئيس العراقي صدام حسين ومحاكمته دولياً أمام العالم أجمع وإعدامه في أول يوم عيد الأضحى حتى يكون عبره لمن يعتبر من الرؤساء والملوك العرب عشان محدش يفكر أنه يلعب مع ماما أمريكا
المهم في النهاية الموضوع يكون طبيعي أمام العالم ومدروس ومخطط له كويس حتى لا يصل في النهاية الي حرب عالمية من أجل توزيع الغنيمة مع إننا الأن على وشك نشوب حرب عالمية آخرى بعد ما نراه الأن على أرض الواقع بين روسيا وأوكرانيا ، ومين مع روسيا ، ومين مع أوكرانيا
يعني الحرب المباشرة …..
لكن قبل أن يحدث ذلك
الحل عندهم الأن هو
التدمير الذاتي والنفسي الذي يتعب قبل نشوب أي حرب …. وازاي ….
يلعبوا ب أعصابنا أولاً أزاي بشوية بلبله مع شوية فتن وإشاعات عن طريق السوشيال ميديا…
عن طريق ( مواقع التواصل الإجتماعي والمواقع الإلكترونية الآخر اللي في النهاية بتأدي الي نفس الغرض منها ثم يخلوا العرب يختلفوا مع بعض ويبدؤا
يخلصوا على بعض
بخلق عنصر سياسي من داخلهم يعمل على تدميرهم
عنصر مهمته :. –
تفكيك الجيوش النظامية والوصول إلي الحكم في تلك الدول .. وهذا تم بالفعل في السودان وتقسيمها مع وجود حكم اخواني والعراق وتقسيمها ووضعها تحت السيطرة الأمريكية
ثم تونس ثم سوريا وتدميرها وتشتيت شعبها ثم اليمن وتقسيمها مع خلق حروب ومناغشات بين اليمن والسعودية بسبب الحدود والأرض ثم حكم اخواني داخل مصر بعد ثورة يناير والإطاحة بالرئيس مبارك
ثم وجود مليشيات ومرتزقه داخل ليبيا وتهديد مصر بتركيا
وتصبح المليشيات بديلا للجيوش النظامية
طيب ده بدأ بالفعل وتم تدريبهم وانشائهم فين دااخل العراق وكلنا نعلم ذلك لأن
الشعوب العربية شديدة الحساسية فيما يتعلق بمسألة العقيدة والدين ..
قالوا خلينا نعزف ونلعب على هذا الوتر الديني , شديد الحساسية ……
ازاي!!
لأن العرب في هذه النقطة بالذات يضعفون
وأصبح الحصان المرة دي … حيكون حصان متدين , مش عسكري …
يعني : يا إما ننشئ كيان يتشبه بالدين و يحقق لنا الهدف، أو نلعب مع كيان متدين جاهز
يعني إيه الكلام ده ..
حاول تفهمني وتركز معايا
يعني من الممكن خلق تنظيمات مسلحة إسلامية،،، حتى يمكننا الدخول على الخط مع كيانات وتنظيمات إسلامية موجودة بالفعل على أرض الواقع …
يعني إيه أمريكا جندت مجموعات , أو عقدت صفقات مع تنظيمات إرهابية مسلحة معقوله الكلام ده
إيوه ماهو أمريكا طول عمرها بتعمل صفقات مشبوها
طيب .. لماذا الحاجة الى [ كيان متدين ] وليس عسكري أو مدني
لسببين مهمين …
اولهم : الكيان الديني .. لأن الكيان الديني يجيد اللعب والعزف على الوتر الديني وده اللي هينفع ويأثر في الشعوب العربية لأن الدين هو الأساس بالنسبة لهم
ثانياً :
مش يمكن تكون الجماعات الاسلامية دي .. فعلاً أرادت التغير والمشي علي نهج وطريق شرع الله
طيب هو طريق شرع الله بردو بيقول اقضي على العباد اللي بيختلفوا معاك في الرأي وفي العقيدة في شرع مين ده !؟
هو في آيات كثيرة بتقول :
” إدعوا إلي سبيل ربك بالحسنة .. والحكمة والموعظة الحسنة ” … وليس بالقهر أو بالحرب أو بالوجوه الملثمة ورفع راية الإسلام بكلمة لا إله إلا الله وعليهاجمجمه أو بالعربات المفخخة أو بالعبوات الناسفة …… وقتل الناس الأبرياء اللي ملهمش ذنب في إي شيء
هل فكرت في يوم …
إيه اللي إستفاده الإسلام من تفجير برجي التجارة العالمي!!!
أو تفجير دار الوثائق المصرية الذي يوجد بداخله كل رسومات وخرائط تقسيم الحدود وكل ما يخص نظم وتاريخ الدولة وكل المعاهدات والصفقات التي تمت وتتم ،،
وكل ما يخص اي شيء مهم لهذه الدولة وغيرها من الدول
نرجع تاني ونقول هو وضع عبوات ناسفة لاستهداف وقتل أولادنا على الحدود في الكمائن من اصول الإسلام
هو في دين من الأديان السماوية ب يدعو الي القتل لمن يختلف معك في الدين أو العقيدة
يا ابن عمي هو انت لسه مصدق أن ” اسامة بن لادن وأعوانه ” هما اللي فجروا برجي التجارة العالمي معقول أنت مصدق ده ، أكيد لاء لأن ده تخطيط سياسي مخابراتي ياصحبي عشان يلبسوها للاسلام والمسلمين
ده شغل أمريكاني علي ميه بيضه ياااابن عمي ويا اخويا وياصحبي
طيب .. أنت قلو لى : ” اسامة بن لادن ” والقاعدة كانوا بيدربوا فين وبيعملوا إيه فى افغانستان؟!!
طيب كانوا ناووين يعملوا إيه🤔 لنصرة الإسلام وتطبيق شرع الله …
عبر التدريبات العسكرية التنظيمية المسلحة تحت أعين المخابرات الباكستانية والأمريكية
اقول لك أنا بقى إيه اللي استفاده الإسلام من مجهود وجهاد السيد ” أسامة بن لادن ” تلبيس التهمه للاسلام والمسلمين وبعد كده خططوا لقتل أسامة بن لادن لأنه لصبح بالنسبالهم كارت محروق واتقلب عليهم
بقى معقولة أن الإسلام استفاد بتحقيق الديمقراطية اللي بتنادي بيها واللي اختلاقتها أمريكا وهي اصلاً مش بتتحققها ولا بطبقها علي أرض أمريكا نفسها
الديمقراطية الواهمة التي اكتسحت افغانستان والإطاحة بصدام حسين …
بهدف تفتيت اقوى جيش بالمنطقة العربية وقتها … ( وهو تفكيك الجيش العراقي ) … ودي كانت بداية أول ثمرة من ثمار السيناريو الخبيث …
أمال إيه بقى موضوع تفكيك العرب والعمل علي ضعفهم
أولا…
كان لازم في البداية يتم تفتيت وتفريق الجيش العراقي …
ده كان أول كود فى برنامج تدمير العرب .
وكمان لأن صدام حسين ” بدأ بتخزين ” الذهب ” كإحتياطي نقدي ,
وكان ناوي يلعب بالأمريكان خاصةٍ في سعر البترول بتاعه و كان عاوز يبيع البترول بعملة غير العملة العالمية الامريكية وهو الدولار …. يعني شكله كان عاوز يناطح الدولار الأمريكي ويقضي عليه وقتها
لذلك عندما احتل الأمريكان كانوا حاسيين بالإنتصار
و أمريكا أخذت الذهب العراقي كله
ايوه اخدت الدهب الذي كان الاحتياطي النقدي للعراق وكان بيقوي وضعها في المنطقة وده معناه انهم احتلوا العراق من أجل الذهب والبترول،
، مخافوش أن العالم يقول عليهم ” حرامية ومتلبسين بالجريمة لاء طبعاً مخافوش دا كان تحدي ومحدش ساعتها قدر يقف ويناطح أمريكا ولا يقول عليها كده …
اتصوروا جنب المسروقات ومحدش قدر يقول لهم تلت التلاته كام .. ماهي دولة كبرى بقى ومحدش يقدر يناطحها
طيب ده بقى نسمي إيه غباء ولا جبرررروت ولا ظلم من دولة كبرى محدش قادر يطبق عليها أي قانون دولي …
دا طبعا : شغل مقصود علشان يبعتوا رسالة , لأي حد يفكر يلعب فى قيمة الدولار
وإلا حيكون مصيره ذي مصير صدام حسين والعراق …. رغم ان الصين حولت قبل كده بما انها أقوى دولة اقتصادية في العالم ولكن أمريكا لعبة لعبتها وفكرت تضرب الصين بنشر ان الصين هي التي صدرت لينا وللعالم فيروس اسموا كورونا ويالفعل العالم كله تأثر وفقد ملايين من البشر
ويمكن لهذا السبب احنا شايفين كمان روسيا بتلاعب امريكا ( فى موضوع العملة ده … عندما عملت اتفاقيات شراكة مع الصين بعملات محلية .. ) روسيا طبعا فهمه الدرس كويس وبتلاعب أمريكا بنفس اسلوبها ,
بس هي كمان مش لوحدها لانها دولة كبرى ايضاً ” على راي” الفنان عادل إمام” في فيلم اللعب مع الكبار” … روسيا بقى معاها دول آخرى بس من تحت الترابيزة امثال دول الخليج العربي والسعودية والامارات، طبعاً مع التنسيق مع مصر ..
السبب التانى …
بما ان الجيش العراقي كان يمثل الخطر الأقوى والمباشر على وجود إسرائيل . ولذلك بدأت أمريكا تضع قواعد عسكرية في بعض الدول زي قطر، والعراق،
والسعودية والكويت حفاظاً على إسرائيل وكمان من اجل تخويف العرب وكانت تريد هي وروسيا وضع قواعد في مصر ولكن قيادتنا الحكيمة وجيشنا رفض ذلك
هذا هو المخطط من البداية …
وبعد كده توالت الثورات وبدأت في تونس ثم مصر
وبدأت أمريكا تفتح المجال لإيران لتقوم بمواصلة دورها فى تمثيل دور ” عفريت العلبة ” اللي أمريكا بتخوف بي السعودية ودول الخليج ..
مجرد كارت أمريكاني بتلعب بي وقت اللزوم …
أمال العقوبات اللي أمريكا كل شوية تفرضها على إيران ….
دي إيه؟!
أمال أمريكا ازاي بتعتبر إيران واحدة من ضمن دول ” محور الشر
ده بيسموه خبث ولؤم سياسي وتخطيط مخابرات ( الشئ لزوم الشئ زي ما بيقولوا .. )
طيب إيران ما عملتش اي حاجه ليه لغاية دلوقت بعد قتل زعيم كبير عندها ..
لأن امريكا هي التي تتصدى لإسرائيل وبدأت بالفعل بوضع غواصات حاملة طلئرات وصواريخ في المياه الإقليمية عبر المتوسط وعلى اهبة الاستعداد بعد اعلان إيران بالضرب قريبا جداً وتستعد لذلك
وطبعا أمريكا هي الحائط المنيع للدفاع عن إسرائيل
مش بقول لكم إننا على وشك حدوث حرب عالمية كبرى
كل ما أمريكا تحب تهدد دول الخليج وتاخد حفنه من الخيرات من ( دول الخليج .. ) تقوم تقرص ودن إيران وتفرض وتزود عليها العقوبات.
كل ما أمريكا تغضب وتزعل شوية من ( دول الخليج .. ) تقوم ترفع العقوبات من على إيران.
والموضوع ممكن يوصل إلى إتفاق نووي لتخويف دول الخليج علشان ميفكروش يدوروا علي مخرج آخر غير اللجوء إلى أمريكا
كل كلامي معاكم بيأكد على حدوث حرب قادمة قريباً للأسف الشديد
والعراق كانت هي أول خط للمواجهة الخليجية مع إيران … لذلك حبوا يخلصوا من العراق أولا،، علشان يعرفوا يلعبوا على السعودية ودول الخليج كويس وعلى الهادي
وده اللى خلى السعودية والامارات حاليا … ينضموا الى المعسكر الشرقى يعني الي ( روسيا _ والصين … الخ الخ ) وعملوا اتفاقيات مع روسيا لإنشاء مفاعلات نووية مستقبلاً ….
وطبعاً ده كله بتنسيق مع مصر .
مصر والدول المجاورة او منطقة الشرق الأوسط بأكملها على صفيح ساخن جدا ينتظرون ويتأهبون وعلى اهبة الاستعداد
ويقولون ماذا بعد كل ما يحدث ؟؟؟؟
السبب الرابع :. متعلق بخط الغاز ” وده اللي لعبته مصر وليبيا و اليونان وإيطاليا وبالفعل تمت اتفاقية دولية مع اليونان علي تعين وتحديد الحدود البحرية الإقليمية بين البلدين التي تحدد وتعين وتؤكد حقوقنا الفعلية في ثرواتنا الإقليمية في المتوسط
لعبة معلم بجد مع إن الان توقف التنقيب في حقل ظهر وعشان كده إحنا عندنا أزمة في الغاز اليومين دول
بس ربنا كبير ودايماً بيقف معانا واكتشفنا حقل غاز جديد في الأراضي المصرية وعلى مسمعنا انه هيودي مصر في حته تانية خالص
والضربه دي كانت قويه وخلت تركيا تشيط وتهرتل وتقول إن الأتفاقية دي باطلة دولياً
كلام خايب وعبيط عشان تشوشر علي المفاجأة لأن هذه الإتفاقية هدمت مخطط تركيا وإسرائيل
مهما اقول لكم الأسباب والمبررات والضغوط الحالية اللي علي مصر من ناحية الجنوب حيث مشكلة وقضية المياة وسد النهضة وما يحوم حوله من ضغوط شديدة على مصر حتى تتورط مصر في حرب مع إثيوبيا
ولكن قيادتنا روحها طويله جداً وحكيمة
ومن ناحية الشرق والغرب عن طريق مشكلة ليبيا حينما كانت محاولة تركيا ووضع يدها على البترول الليبي لكن مصر والشعب الليبي يقظ ولم ولن يسمح بذلك
وتركيا الان عرفت كيف تتعامل مع مصر وابدت بعرض التعاون مع مصر وتأيدها فيما يحدث وخصوصاً في الشأن الاقتصادي على العموم حين توجد المصالح ف الوجوه بتتصالح رغم انني لا ارتاح ل تركيا وتعاملاتها ولا ننسي إنها عضو مهم في حزب الناتو
على العموم مصر لا تتهاون في حقها وحق شعبها ابدا
نرجع نكمل موضوع الخطر الذي يحيطنا عن طريق الشمال في سيناء ومواجهة الإرهاب الذي مازال مستمر بعض الشيء
في سيناء ولكن الجيش المصري والشرطة المصرية مستيقظين تماماً ويحاولون القضاء عليه وعلى البؤر والانفاق التي كانت كثيرة جدا في سيناء كلها
ولكن قضي عليها كلها على ما اعتقد
هذا الذي نريد ان نعرفه
_ وفي النهاية حصل اللي حصل في غزة وطبعاً دا من ضمن المخطط
وما زال يحاولون استفزازنا
كل دي ضغوط علينا وخطر كبير ولكن إحنا قدها وقدود بإذن الله بتكاتفنا وإرادتنا وعزيمتنا القوية.
اوعواااا تنسوا أن العراق ومصر وسوريا … كانوا أهم الدول الذين يشكلون مثلث الخطر الأعظم لهذه المخططات وعشان كده قضوا
على الجيش العراقي ثم السوري والآن يحالون توريط الجيش المصري وقيادتنا بتحاول لم شملنا من جديد عن طريق الزيارات المتلاحقة في العراق، والأردن ، وليبيا وابرام اتفاقيات عمرانية واقتصادية مختلفة بينهم …
نرجع لموضوعنا
والهدف أصبح في النهاية بعد القضاء على الجيش العراقي وتفكك الجيش السوري هو القضاء علي جيش مصر لأنه أصبح هو الجيش الأول والاقوى داخل منطقة الشرق الأوسط بأكملها
ونحن نقول وبقوة هم لا يستطيعون السيطرة على خيرات تلك الدول دون الوصول والقضاء عليها إلا بتفكك هذا الجيش الكبير والعظيم الذي يقوده خير اجناد الأرض
أنا عارفة ان كل واحد هيقرى مقالي هذا هيقول كل اللي بتقوليه دا معروف لينا وعايشينوا لحظة ب لحظة انا بس حبيت احط النقط على الحروف واجمع الأحداث كأنها فيلم تسجيلي
من أجل أن تطضح لكم الرؤيه وكمان المفروض نحاول ننسى شوية موضوع الأكل والشرب رغم معاناتنا الشديدة لكن استقرارنا وأمننا القومي وبلادنا أهم بكثير من أي شيء آخر وإحنا ياما عانينا قبل كده كتير
افتكروا كده وارجعوا بالذاكرة للوراء،، اعملوا فلاش باك يعني إحنا شعب مكتوب عليه المشقة والقتال انظروا الى التاريخ وأنتم أكيد مش حترضوا تستسلموا ابدا
واظن اتضحت لكم الرؤية الأن والكل يعلم بوجود الجيش المصري في الصومال وكل دقيقة وليس كل ساعة تمر نسمع اخبار جديدة عن رعب وخوف إثيوبيا من وجود هذا العدد من الجنود المصريين
في الصومال وبدأت تعد العده والعتاد من أجل الهجوم على الصومال رغم انها تعلم جيدا أن إمكانياتها العسكرية اقل بكثير مما يوجد الأن على أرض الصومال بعد تواجد الجيش المصري هناك
والله المستعان
ولا تنسوا ايضاً حدودنا الغربية والشرقية ف الجيش المصري على اهبة الاستعداد لاي غدر يحدث عبر حدودنا ،
، نحن دولة سلام ولا نريد الخوض في حرب ولكن… من يُقرب على حدودنا ويهدد أمننا حنكله بأنيابنا
مصر وحدودها خط أحمر
هل انتم غافلون عن كل هذا يارجال مصر ؟
ام تعلمون بالخطر الذي نعيش فيه ؟؟
وعند الإحساس بهذا الخطر وتهديد أمننا القومي سيصبح ال 105 او 110 مليون مواطن جنود يدافعون عن هذا الاستقرار وعن هذا الأمن القومي
علشان كده بقول لكم وكل لي ثقه فيكم لأزم كلنا نعرف أن
“شروط بقائنا” بقي بإيدنا مش بإيد اي احد 💪 آخر
لازم نثق فى القياده الوطنيه المصريه حتى لو بنختلف معاها في بعض الأمور وهذا حال كل الدول على فكرة وهذا يتم مع من يدير الدول التي تحافظ على معدلات الأمن القومي الخاص بها. مصر وسط جحيم من النار
ولكن مصر محروسه بأرادة الله ثم بإرادتكم وعزيمتكم واصراركم أنتم يااامصريين
#تحيا_مصر_برجالها_الشرفاء الأقوياء
كتبته.. إيمان ذهني 🙋♀️🇪🇬🇪🇬
مصر وسط النيران.. والله المستعان
