أصحاب النفوس الضعيفة.. رساله الى السيد محمد عبد اللطيف وزير التربية والتعليم والتعليم الفنى.

أصحاب النفوس الضعيفة..
رساله الى السيد محمد عبد اللطيف وزير التربية والتعليم والتعليم الفنى.

الشفقة والرحمة بالآخرين مما يحبه الله ، ويرضاه لعباده ، قال صلى الله عليه وسلم :

( الراحمون يرحمهم الرحمن، ارحموا من في الأرض يرحمكم من في السماء ) رواه أبو داود ، والترمذي ، وصححه الألباني .
والأصل في المؤمنين أنهم رحماء فيما بينهم ، أشداء على الكفار ، كما وصفهم الله بذلك، حين قال :{ محمد رسول الله والذين معه أشداء على الكفار رحماء بينهم }

السادة مديرين المدارس تفعيل المشاركه المجتمعيه غطاء واخدنها برفان وانتم تطلبوا اللي على مزاجكم (صفر و صفر وصفر جمبها 3او 4او 5 جنيه) ، ده مش أمر واجب على ولي الامر ، المشاركه المجتمعيه ولي الامر حابب يشارك أهلا وسهلا… ولي الامر مش مستحمل الضغوط عليه كثير الساده مديرين المدارس اللي انفسهم ضعيفه ارجوكم البلد مش مستحمله الكلام ده ، راعوا ظروف اولياء الامور .

وبعدين يشارك يا فندم حتى لو هيدفع جنيه هي دي حدوده مش عيب ، مش ورقه فيها لسته و المدرسة محتاجه ، نساعد لكن ما يبقاش امر ، ولا عايزين منه ايه، ولا يدفع كام ، الكلام ده مش مظبوط انتم بتهدموا هيبه المعلم ولا ايه.

انا عارف ان في عجز في العمال وعارف ان المفروض كل يوم ادوات نظافه ، لنظافة الفصول ونظافة الحمامات ،

بالحب فعلوا مجلس الامناء هاتوا اولياء الامور دخلوهم الفصول يتفرجوا يعرفوا ايه اللي محتاجه الفصول بدل ما بنجيب لوح الانشطه اللي بتترمي فى الزبالة بعد كده ، رمينا فلوس في الارض وما استفدناش بيها ،احنا ممكن نزين الفصول بفلوس اللوح دى ، تقدرو تعملو حاجات كثيره لمصلحه اولادكم انا عارف ان عندكم افكار احسن من كده .
تمنياتي بسنة سعيده خاليه من المشاكل التي عنينا منها خلال الفترات السابقه .
قوتنا في وحدتنا لمستقبل أفضل لأولادنا وبناتنا.
كل عام وانتم بخير

أصحاب النفوس الضعيفة..
رساله الى السيد محمد عبد اللطيف وزير التربية والتعليم والتعليم الفنى.