جريدة المساء العربي جريدة المساء العربي
اشرف الشناوي شاعر عامية
احلى كلمه .
.انه القلم العاشق .
يستفز القلب دوما
…….احلى كلمه…..
احلى كلمه قولتها
فى الدنيا يامه
لما اقولها باحس
انى جوا جنه
وان روحى طايره منى
زى طير للصبح غنا
والقى كف عليا سمى
والقى نور لو حتى
كل الكون دا غما
احلى كلمه قولتها
فى الدنيا يامه
كل يوم بارسم
ملامحك كلها
والقلب يعمل منها
الفين مصلى
نضحك ونقعد
نفتكر كل اللى راح
منا وعدا
وافتكر اامن مكان
ساعة الطوفان
حجرك يساعنا
فنستخبى
ساعة التعب تنزل
دموعك من ضلوعك
زى سيل غطا المخده
نظرة عينيكى باحسها
بحرين موده
حتى فى خيالك
بالقى طيبه
ماعادش منها
فى الزمان دا
وحياة عينيكى
وسحرها
كل اللى بعدك
كان اونطه
ازاى هاعيش
من غير ماشوفك
والا احس بضحكتك
جوايا ظايطه
وان دق قلبى
بعد عشقك مره تانيه
يبقى غلطه ……………….
احلى كلمه .
491 إجمالي المشاهدات
