المسحراتي عَروس المُتوسط

المسحراتي
عَروس المُتوسط
بقلم-أشرف رسلان

مِسحراتي …. مِنقراتي
جَي ليلاتي
اصحَى يانايم .. يانايم اصحَى
صَاحي وصِياحي
واخد براااحي و الكل صاحي
يااسكندريه … يامَرمريَّه
عروسَه دايمًا شَط وِ مَيَّه
أصل الجَمارك مِ الوِرديان
وجَمال زيزينيا وَيا لوران
والسهره تِحلى
مَنشيه حَضرَه
وِ نقوووول كماااان
اصحَى يانايم .. يانايم اصحَى
وِ مِ المَعالم يا اسكندريَّه
فَنار ومَسجد وكَاتدرائيَّه
وِبنت بَحري أجمَل صَبيَّه
يا سلام عَليها … لو مِن إيديها
أكَلْت بُوري
أو صَيَّديَّه
آه لو تِشوفها .. من فوق سَفينه
أجمل مَدينه
أجمل حُوريه
عَاشق تُرابِك يَا اسكندريه
وَعِشق مُوجك للقَلب غِيَّه
اصحَى يانايم .. يانايم اصحَى
رمضاااااااان كريم

المسحراتي
عَروس المُتوسط

 1,688 إجمالي المشاهدات