جريدة المساء العربي جريدة المساء العربي
كل عام وانتم بخير
بقلم : الشاعر محمود السعيد
بورسعيد
كل عام وأنتم بخير
كلمة كل الناس بتقولها
في كل مناسبة و شيء جميل
ولما خلاص حان أوانها
جه رمضان بكل خير
والناس سعيدة لما تقولها
ماهو شهر ب النفحات وفير
و اختلفت في حياتنا عادات
لاجل ما يعدي الشهر الكريم
واتعمل للجملة حاجات
و أتعدل لنا المسير
بيوتنا كمان تزينت
ب فوانيس ونور بألوان كتير
والمساجد خلاص كمان نورت
والخير بأذن الله يزيد
و القلوب من بعد شوق
شوقها هل ب إحساس جديد
شوق كمان جوانا صحي
أمل ومحبة وسلام وضمير
للكبير قبل الصغير
ولاجل كمان نلقي المودة
والتراحم والمحبه
والتسامح بأشكاله الكتير
ونرجع تاني أهل وأحبه
لاجل الشهر الفضيل
وكل عام وانتم في محبه
وكل عام وانتم بخير
432 إجمالي المشاهدات
