طفله امتلكت النمر

الفصل/الرابع
بقلمي /احمد السيد جمعه
تاني يوم صحي نمر خد شاور وغير هدومه ف الدريسنج روم بعد كده خرج صحى حور
صحيت حور خدت شاور ولبست جاكيت بيسبول بينك ف ابيض وبنطلون شارليستون اسود وشوز ابيض وسيبت شعرها
خرجت ونمر مسك ايدها ونزلو على تحت فطرو وحطو الشنط في العربيه واتحركو ولان نمر متعود هو الي يسوق وهو رايح لاهله ف هو ساق وهي قعدت جمبه شغلت اغاني وابتدت ترقص وتعمل حركات مجنونه ونمر بيضحك عليها
نمر: قوليلي ياحوري
حور: ممم
نمر: اي مثلا الحاجات الي بتحبيها والحاجات الي بتخافي منها وكده
حور: مم انا عندي فوبيا من الاصوات العاليه واصوات الرعد وبخاف من الضلمه جدا وبحب الحيوانات اوي بحب الطيور زي العصافير وبحب الحيوانات زي الكلاب والقطط
نمر: ممم
بعد خمس ساعات كانو وصلو قدام قصر كبير وفخم جدا وكانت حور نايمه من ساعه تقريبا نمر نده ل عم فرج: خد الشنط دخلها جوا ياعم فرج خد الشنط ودخلها جوا
كريم والد نمر: فين نمر يافرج
فرج: جاي ياسعاده البيه
خرج فرج ودخل بعده نمر وهو شايل حور الي نايمه على كتفه
كريم بصدمه: مين دي يانمر
نمر بهدوء: هطلعها اوضتي وهحكيلكم كل حاجه
طلع نمر الجناح بتاعه حط فيه حور وباس راسها وقفل النور والباب ونزل لاهله
ناهد ام نمر: ممكن بقا تفهمنا
حكالهم نمر كل حاجه من اول يوم قابل في حور
كريم: يحبيبتي يابنتي هو في ناس بالجبروت ده ده مستحيل يكون ابوها
نمر: وده الي شاكك فيه يا بابا والله
ناهد بحنان: خلي بالك منها يانمر ولو عايز يحبيبي تسيبها معايا هنا تعيش معايا من عنيا يحبيبي انت عارف انا مش هأثر معاها
نمر ابتسم: طبعا عارف يا امي بس معلش مش هينفع اسيب حور انا اتعودت عليها وهي اتعودت عليا خلاص
بسمه بنت عمه بغيظ: مم طب واحنا مالنا نربي عيال الناس ليه ما كل واحد يلم عياله ف بيته ولا لو كل واحد قابل حد زيها هياخدو يعيش معاه
نمر زعق بطريقه خلت الكل يتنفض: بسمهه وربي يا بسمه كلمه كمان على حور وهتشوفي وش نمر التاني حور مش زي اي حد انتي فاهمه
عز اخو نمر: اهدا يانمر خلاص بسمه متقصدش
اسيل اخت نمر بمرح: خلاص يانمر لما حور تصحى هلعب معاها متحمسه اشوفها اوي اصل الي خلاك تتعود عليها بسرعه كده تبقا عسوله وتتحب
نمر ابتسم: طبعا يا لولو
فاروق عم نمر اتكلم بضيق متداري: ربنا يكرمك يبني ع الي بتعملو معاها
نمر ابتسمله بمجامله
قعد نمر معاهم بيتكلموا في امور كتير
عند حور فوق فضلت تتقلب يمين وشمال على السرير وهي بتحلم بكابوس وحش صحيت من اتنفضت من مكانها لقت مكان ضلمه هي مش عرفاه والباب مقفول جريت فتحت الباب ونزلت على تحت وهي بتنده بأسم نمر
نمر سمع صوتها قام وقف بسرعه لقاها نازله من فوق بتعيط وعرقانه جريت حضنته بسرعه وهي بتعيط: انت كنت فين وليه سبتني اء انا خ خوفت ا اوي
نمر وهو بيطبطب على شعرها بحنان: انا هنا انا موجود اهو متخافيش ياحوري انا مش هسيبك هش اهدي
حور ببكاء: هو انا فين
نمر: احنا وصلنا من بدري وحطيتك ف اوضتي فوق عشان كنتي نايمه
حور: انت عارف اني بخاف انام لوحدي وكمان قافل الباب ومفيش نور وانا حلمت ان بابا بيضربني وانا كنت بندهلك وانت واقف بعيد وبعدين مشيت
نمر وهو بيقعد وهي ف حضنه: ده مجرد حلم انا عمري ما هسيبك ابدا انتي عارفه ده كويس متخافيش تاني ابدا ياحور سمعاني
حور هزت راسها ب اه وهي بتشهق اثار دموعها وكل ده والعيله كلها بتبصله ببلاها وصدمه ازاي نمر الي عمره ما اتكلم بالهدوء ده يتكلم كده ومع عيله صغيره اصلا
نمر ببرود: مالكو بتبصولي كده ليه
كريم: ابدا يبني ربنا يهديك وتفضل على حالك ده
نمر فهم هما مستغربين ليه ف ضحك
عز بمرح: ونبي انت ضحكت بجد ده انا كنت فاكرك معندكش سنان عشان كده متضحكش
نمر ضحك: ليه ياض مش بني ادم
بسمه بغيظ: اي الدلع الماسخ ديه هي لحجت تتعود عليك من اربع ايام بلا دلع ماسخ
نمر زعق فيها بصوت خلاهم يتنفضو:بسمههه اخرسي انا مستحمل حركاتك من ساعه ما جيت اكراما ل عمي غير كده هنسى انك تقربيلي وهتشوفي الوش التاني واحذري انك تشوفيه
قطع كلامه فجأه وبص ل حور ناسي تماماً الي قالتلو عليه الصبح
*فلاش باك*
حور: انا عندي فوبيا من الاصوات العاليه بخاف منهم اوي
*باك*
بص ل حور لقاها منكمشه ف نفسها جامد ومش بتنطق
يتبععع
يخربيتك يانمر عملت ايه ف البت شكلنا داخلين على ايام سودا مع بسمه ولا اي

 768 إجمالي المشاهدات