جريدة المساء العربي جريدة المساء العربي
مقالات مشابهة
رانا الجوهري
اتهمت سيدة أعمال عصابة بمنطقة الهرم على معاشرة زوج ابنتها والتعدي عليها وأسرتها بالضرب والسب وسرقة مشغولاتها الذهبية داخل شقتها.
إجبار سيدة أعمال على معاشرة زوج ابنتها
كشفت التحقيقات تفاصيل واقعة اتهام سيدة أعمال مالكة شركة استثمار عقاري ومقاولات لـ 5 أشخاص لإجبارها على معاشرة زوج ابنتها والتعدي على أسرتها بالضرب باستخدام أسلحة نارية وسرقة مشغولات ذهبية في الهرم.
واستمعت جهات التحقيق لأقوال المجني عليها وجاءت كالآتي: اللي حصل إني أنا عندي شركة استثمار عقاري ومقاولات، وبأجر شقق سكنية، فلقيت واحد اتصل علينا قالي أنا مكلمك من طرف سواق تاكسي، وعايز أجر شقة ناحية المريوطية أربع غرف، فأنا قولتله اطلع فوق نتكلم في تفاصيل الشقة وإيجارها، فطلع وطلب مايه، وأنا قولت للشغالة اعملي له قهوة وهاتي مايه، والواد كان شكله مش مريح، وقتها كان معايا جوز بنتي وبناتي بعدها جوز بنتي قاله الغريب في بلده سلطان.
وأضافت صاحبة شركة العقارات أمام جهات التحقيق: فجأة لقينا المتهم طلع من بنطلونه فرد، وهددنا بيه وراح فتح باب الشقه ودخل أربعة تانيين معاهم أسلحة بيضاء سكاكين ومطاوي، وقالوا لينا محدش يفتح بوقه علشان منموتش حد فيكم، وبعدين أخدوني أنا وجوز بنتي وبنتي ودخلونا غرفة الأطفال وبعدين قفل الباب علينا وأجبرونا على خلع هدومنا بالكامل بالتهديد.
وأضافت سيدة الأعمال المجني عليها: طلب المتهم من جوز بنتي إنه يعاشرني، وأنا قلت ليهم أنا حماته، وكانوا بيصورونا بتليفوناتهم، وراحوا شدوني من شعري وودوني على سرير جوز بنتي وبعدين دخلوني غرفتي.
وأشارت السيدة المجني عليها بتحقيقات القضية رقم 2494 لسنة 2023 جنح الهرم: المتهم بعدها طلب مني أفتح الخزنة وهددني بالقتل لو مفتحتش الخزنة، وأنا خفت وفتحتها وخد منها 300 دولار و48 ألف جنيه و4 تليفونات نوكيا بزراير لونهم أسود و2 سامسونج واحد أسود وواحد أزرق وآيفون صغير دهبي وآيفون كبير بتاعي أسود وآيباد أسود، وست إيصالات أمانة بأسماء ناس مختلفهة، و22 غويشة دهب صيني، و3 خوات ذهب صيني، و3 سلاسل ذهب صيني، وحلق بنتي ذهب، وسلسلة ذهب بتاعتي، وبعد كده دخلونا كلنا أوضه واحدة وقفلوا علينا بالمفتاح.
واختتمت المجني عليها: أول ما سمعت الباب قفل بتاع الشقة طلعنا البلكونة قعدنا نصوت ونستغيث بالناس اللي في الشارع وواحد من المتهمين اللي معاه الفرد ضرب نار في الهواء علشان الناس متعرفش تمسكهم وهربوا وهو ده كل اللي حصل وبعد كده بيكلموني بيهددوني مقابل مبالغ مالية.
1,258 إجمالي المشاهدات
