جريدة المساء العربي جريدة المساء العربي
نصائح اسماء “2024” مافيش حاجه هاتتغير !
بقلم.. اسماء احمد عمر
ماتستغربش من كلامي هي دي الحقيقه فعلا انت مستني ايه يتغير
عمر ماالايام ولا الشهور ولا السنين بتتغير ايامك كلها هاتكون زي بعض لو انت اللي مااخذتش قرار التغيير
في مقوله بتقول ( انت اليوم حيث أتت بك افكارك وغدا حيث تأخذك افكارك ) .
فالتغيير الحقيقي هو تغير النفس وتغير عاداتك وتغيير افكارك مش تغير ايامك .
لأن افكارك ومعتقداتك هي سبب سعادتك أو تعاستك في الحياه .
لأن افكارك بتترجم لكلمات والكلمات لتتحول لأفعال والافعال بتتحول لعادات ، والعادات دي هي اللي هاتکون شخصيتك، والشخصيه دي هي اللي بتوصلك للحاله والنتيجه اللي انت عايش فيها دلوقتي
فلازم الاول تعرف يعني ايه تغيير؟
التغير هو التطوير من حال لحال
ربنا عز وجل بيقول ‘ أن الله لا يغير ما بقوم حتي يغيروا ما بأنفسهم (الرعد١١)
معني كدا انت التغيير لازم يبدأ من جواك وكل شي حواليك دائما بيكون في تغيير دائما حتي عمرك بيتغير لبسك شكلك أكلك كل دا بيتغير
وعمرك ماهتقدر تتغير غير لما يكون عندك امل في ربنا ،وربنا لما بيحطك في ازمه بيكون عاوز يغير فيك شعور معين
فكر كدا معايا في ظروف في حياتنا سهل اوي أنها تتغير يعني تقدر تتحكم فيها ،وظروف صعب اوي أنها تتغير
بمعني كدا ان انت لو عاوز تنجح بجد خليك شخص مبدع وركز علي الظروف اللي تقدر تتحكم فيها وتغيرها زي تطوير ذاتك قوتك العقليه والبدنية
طيب هاتسالني والظروف اللي انا مش قادر اغيرها ؟! هاقولك غير نظرتك ليها فابلتالي حياتك هاتتغير وهاتكون شخص قادر علي الإبداعية والتفكير
اتعلم شي واتقنه صدق نفسك وخليك واثق فيها ،استبدل عاداتك السيئه بعادات أخري مفيده
ماتنتظرش حد يساعدك أو يسعدك خليك انت المسيطر الوحيد علي نفسك وعلي افكارك
اكيد عارف أن النجاح والتغيير مش سهل ومتعب بس الفشل وحاله الركود متعبه اكتر
وفي النهايه اكيد انت مقتنع معايا بفكره التغيير
غير تفكيرك تتغير حياتك
نصائح اسماء “2024” مافيش حاجه هاتتغير !
778 إجمالي المشاهدات
