جريدة المساء العربي جريدة المساء العربي
سَلف ودِين
بقلم. السيد عفيفي جمال الدين
سَلف ودِين
يعنى إيه سلف ودين ؟سلف ودين مش أموال وبيوت وعقارات وأراضي ومعاملات تجارية هى دى بس السلف والدين مش أغنيه بتتغنى والناس بتسمعها وبدندن على الموسيقى بتاع الأغنية سلف ودين يعنى اللي عمل حاجة كويسة تفيد أو قال كلمة طيبة فى حق غيره اللى حافظ على جاره وعلى أهله وناسه اللى مافكرش فى الأذية هياخد تمنها وده مكسب فى الدنيا والآخرة واللي عمل حاجة وحشة هيدفع تمنها فى الدنيا والآخرة لازم تتأكد إن كل حق راجع لصاحبه راجع بالمللي من محبة للخير من صدق فى التعامل من خيانة من هجر أو غدر أو كذب وغش وخاصة عقوق الوالدين أو تعاملهم بالحسنى لازم
هيرجع له كل شئ لو مكنش معاه هيكون في أقرب الناس له هيترد له بالجرام وبالميزان مش هينقص خردلة وفى اللي هيخلص في الدنيا وفى اللى هيتأجل للآخرة محدش هيفارق الدنيا دي غير وهو دافع حساب كل حاجة محدش هيغادر غير وهو دافع من أعصابه وعدم راحته كل جرح سببه لأى شخص كل كلمة قالها دمر بيها شعور أو كسر بيها خاطر وضاقت بها نفسية أى أحد أو كلمة جارحة ومن آثارها نام شخص مقهور تايه مشتت وضايع وغرقان في دموعه محدش مفارق غير وهو دافع من روحه كل لحظة أمان سرقها من قلوب كانت متطمّنة له وعايشة وراضية محدش هيفارق إلا وهو دافع حساب احتكار سلعة وعن آثارها نامت أسر وأطفال يبكون من شدة الجوع محدش هيفارق إلا وهو دافع حساب قلة الأصل اللي عملها مع ولاد الأصول واذاهم بمكره وحقدة لازم تطمن إن كل شيء مكتوب ومقدر واللى هتعمله هتلاقيه الخير هتلاقيه والشر هتلاقيه علشان كله سلف ودين تحياتي لكم جميعا
سَلف ودِين
168 إجمالي المشاهدات
