ماذا بعد..
بقلم / السيد عفيفي جمال الدين
ماذا بعد..
..معزرة المنشور طويل إقرأ من فضلك يمكن تتجنب مصيبة
فى الآونة الأخيرة الخطوبة أصبحت تعلن فى القاعة ويشملها ديجيه واختلاط شباب وبنات ورقص بين العريس والعروسه وكأنه ليلة دخله وهما لسه بيعرفوا بعض يعنى لسة في فترة التعارف وطبعا النساء هنا لها دور بنت فلان عملوا لها الشبكة في قاعة فلان وقاعة وحشة احنا هنعملها في قاعة علان علشان دى جميلة وخشبة المسرح كبيرة والعريس والعروسة هياخدوا راحتهم في الرقص والشباب والبنات يعرفوا يرقصوا وطبعاً العريس بسلامته يحلق حلقة البنق والكابوريا وحلقة الجحش وخط فى الجنب ويدعى طبعاً كل ماهو على شاكلته وكذلك العروسة لا أخفيك سرا بإن العروسة بتشغيل الصب قبل الشبكة أو الدخلة بأسبوع وتتدرب على الرقص علشان هما حافظوا اغانى الديجيهات وعارفين الطلعات والهزات والوقفات وامتى يسرع وامتى يهدى وطبعاً ام العروسة وام العريس واقفين عاملين يسقفوا وكمان ابو العروسة وطبعا اللى بيحصل بين الشباب والبنات فى الخفاء اثناء الرقص ربنا اللى يعلم بيه ..طيب وبعدين نصرف ونجيب جاتوه وحاجة ساقعة والعريش يحضن العروسة وماسك ايديها طول الليلة بتاع الشبكه وخلصت ليلة الشبكة على خناقة بين الشباب طبعاً عبده مؤته معاه مجموعة وإبراهيم الأبيض معاه مجموعه علشان البنت الفلانية كانت بترقص مع الواد الفلانى أو الواد الفلانى عاكس البت الفلانية واللى اتعور اتعور واللى اتحبس اتحبس ..طيب وبعدين فجأة العريس بخيل دا مابيجيبش للبت قرطاس لب ولا سودانى دا غشيم في الكلام دا راح جاب لها تلفيون رخيص دا أمه ما اتصلتش خالص ولا بتصبح على بنتى دا أمه قالت وامها عادت طيب وبعدين ايها النسوة المحترمين نعمل كل شىء نصيب وكل واحد يروح لحاله يلا نتحاسب عاوز الخمسة جرام ذهب اللى أنا جيبهم بعشرين ألف جنيه وحق الجاتوه والحاجة الساقعة طبعا التانية مش هتسكت آمال فين حساب القاعة والديجية والرقص ومسك إيد بنتى ورقصت معاه هو الرقص كان ببلاش طيب نعمل قاعدة وزى ما الناس تحكم بينا الناس تقعد وتحمل ده شويه وتحمل ده شويه ابو العروسة المصونة بقولكم إيه الواد ده يحذف كل حاجه على التليفون طبعا لأ يحذف وطبعاً ابوها مايعرفش إن الرقص اتخزن على جوجل والسيد مارك أتفرج وكل العالم أتفرج وبعدين يصبروا نفسهم على الخيبة ويقول نصيب وروح يازمان تعالى يازمان تتخطب تقول لخطيبها الجديد إنت فعلاً حلم حياتى وتفس الكلام بيتكرر خطيبى الأولاني كان صفته ونعته وهو نفس الشىء يتكلم على علاقاته وأنتى أحسن بنت فى بنات حواء طبعا يقوم خطيبها القديم يعرف يقوم منزل كل حاجه حصلت بينهم في السر والجهر ودا كله نقص دين وتخلف فكر وتقليد أعمى ينتج عنه دمار أسر افيقوا واتقوا الله لعلكم تفلحون تحياتي لكم
ماذا بعد..
