الأبيض والليموني

الأبيض والليموني
بقلم الكاتب/ محمد عباس
             الإسماعيلية 
……………..
الابيض والليموني
عيون جاحدة ولموني
مابين الاتنين ظنوني
في العصروفي الجفوني
شاهد معني الشقوق
وساوي في الحقوق
وفرق احلي تورته
ع الخلق بكل ذوق
الابيض فيه شموخ
وصفاء وسكون وبوح
والاصفر من بعيد
بيبان زاهي وشروخ
يظهر احاسيس جروحي
تعابير صمتي ونوحي
والابيض فيه نقاء
يكشف فرحي وبهاء
مابين الاتنين صروحي
فيه همسي وفيه قروحي
لحظة عصف واهات
فترة ضعف وثبات
وساعات صبر وعظات
وكتير بنشوف رفات
ايام بتكون سكات
ع الخد يدوب شارات
فرق ع الناس حالات
توصف صبر العاهات
دي فطرة ورمز نور
توصف معني السرور
وعبير بين البدور
وعطور بين الزهور
وجمال سحر الطيور
وفي كل ارض بور
عيون تحسد تغور
فاكرة الجسد مستور
كستور علي دمور
جوا اشارة مرور
تعصف قلبي الجسور
في الشدة اوفي لين
مابين كل الوشوش
تداري ميدروش
في ناس مبيختشوش
وناس عايشين فشوش
مابين فرحان حزين
ملايين صارت رتوش
صابرين ومش راضين
لكن في القلب بوش
شايفين ومش عايشين
ودعاء في كل حين
رجع حلم السنين
ولكل الشقاينين
ونبات ونقول امين
اكلين كمان صايمين
صاحيين نبات نايمين
حامدين وليل شاكرين
رغم الضني ساكتين
في موائد الرحمن
كان اسمنا فراعين
منا صبح شياطين
بتغني علي المسكين
وبتنهب كل طين
من امته الناي حزين
ومين يشعل انين
الحضن في مصريين
والام تملي العين
ارض السلام والدين
رمز الصفاء واللين
وحضارة جيل ورا جيل
وبشارة النبي اسماعيل
جبل الجلاله ونيل
جمع شعوب ملايين
مابين ابيض واصفر
انسج شعار واتنين
دبل الورق ع الشجر
والشمس تكوي العين
يوم ماالطريق انشطر
زرعنا فيه علمين
طرح الورق ع الشجر
اسم النبي العدنان
شافعنا يوم الدين
وزفة شمال يمين
زفة لكل عريس
وفانوس لكل عروسة
وزينة ملية البيت
ومعاها اغلي كوشه
ودهب ملهوشي عوزة
قوم فرق الشربات
بدل البكي والعياط
وكافيه في كل الحارات
ابيض ليموني وفات
خبط علي البكوات
لكن الضمير كان مات

 385 إجمالي المشاهدات