جريدة المساء العربي جريدة المساء العربي
فين ؟ الأنسانية يا عرب
بقلم الشاعرة: سحر طه سعيد
فين الأنسانيه يا عرب
لما أطفال غزة تضرب
فين انسانيتكم
فين حكمكم
فين مبادئكم
فين وصايا رسولكم
من كان يؤمن بالله واليوم الآخر
فليكرم جاره
فلسطين جارتكم اغيثوها
اطفالها بتموت الحقوها
ثرواتها الصهينه نهبوها
ورجالها وشاببها شردوها
حريمها من البيوت خرجوها
فلسطين كل العرب وقفه تتفرج عليها
محدش قال اكون بعد الله معاون ليها
يا عرب فينكم
ماتت أنسانيتكم
أتعدمت نخوتكم
فينكم يا أحرار
اطفالنا بتموت
ودمروا البيوت
العمر بيفوت
والأقصي مليان صرخات
وما عد بتسمعوا أصوات
ما فينا نسمع كلمات
ولا محتاجين أستيغاثات
محتاجين نرجع حق الطفل اللي مات !
مات في حضن أمه دمه سال ع التراب
فين حكامك يا عرب
فلسطين بتتخرب
من زمان وأنتم شاهدين
منتظرين يجلكم صلاح الدين
أنتم فين!!!
أنتم فين يا صفوف المسلمين
ليه لسه منتظرين
الاقصي بايت حزين
بيصرخ من الأنين
مش محتاجين منكم كلمات
عايزين
نصلي في الأقصي خمس صلوات
مش عايزين دهب ويقوت
محتاجين اطفالنا تنجي من الموت
محتاجين القطر يفوت
يجيب شبابنا من المحاضرات
وتتعلم كل البنات وتصبح معلمات
وتعلم أطفالنا اذي يتحدوا كل الصعوبات
فينكم يا حكام العرب
فلسطين بتتخرب
والأقصي بيضرب
ماتت الأنسانيه جواكم
مفيش كلام نافع معاكم
الأقصي عمال يناديكم
اطفالي ماتت فين أياديكم
الأمهات اتشردد أمامكم
والرجال محتاجه عزمكم
محتاجه تتمسك بيكم
وترجع الأمان عندها مثلكم
انتم فين يا صفوف المسلمين
ليه للصراخ مش سامعين
وعلي اللي بيحصل مشاهدين
خليكم منتظرين
لما يجي صلاح الدين
ويوم العرض متجمعين
والدم شاهد عليكم ليوم الدين
وبكرة تعود فلسطين
بالقوة أو بلين
هتعود فلسطين
خليكوا يا عرب مشاهدين
ربنا هيحاسبكم يوم الدين
ومن نصر ربنا متأكدين
1,518 إجمالي المشاهدات
